1 Saray Arari 1:52 - Maung A Balita Biblia

⁵² Inmebat si Solomon, “No ipanengneng ton matoor ed siak, anggapoy maoges a nagawad sikato, balet no andi, nepeg a pateyen.”

Maung a Balita Biblia

⁵² Inmebat si Solomon, No ipanengneng ton matoor ed siak, anggapoy maoges a nagawad sikato, balet no andi, nepeg a pateyen,

1 Saray Arari 1:52 Iomraidhean Croise

2 Samuel 14:11

Inkuanto may bii, “Mampikasi ka pad Katawan a Dios mo, pian say kanayon kon labay toy ombawi et ag to la labay so mamatey, et diad ontan, ag la napatey imay sakey ya anak ko.” Inmebat si David, “Isipan kod mabilay a Katawan ya ag balut nadiwit so anak mo.”

1 Saray Arari 1:51

Nibagad Ari Solomon a si Adonias et antakot ed sikato tan akapeket ed saray pinagkasaklur na altar tan inkuanto, “Labay ko nin sambaan ed siak nen Ari Solomon ya ag to ak papatey.”

1 Saray Arari 1:53

Kanyan angibakiy Ari Solomon, na amaepas ed kinen Adonias. Linmad ari tan dinmakmomod arap to a pamagalang to, tan kuan na arid sikato, “Nayarian mo lay onsempet.”

Say Libro nen Job 15:22

Anggapoy ilalo ton nibatikan toy kabilongetan, ta akaparaan so ispadan mamatey ed sikato,

Probirbio 13:6

Say inkatonung iyaagel to ray anggapoy kasalanan, balet say kaogsan dederalen to ray managkasalanan.

Probirbio 21:12

Say Dios a sikatoy matonung, amta to so nagagawa ed abung da ray totoon maoges, ipelag to rad kaderalan da.

Mateo 10:30

Anggan say buek na olo yo et abilang ira.

Lucas 21:18

balet anggapoy anggan sakey a naandin buek ed olo yo.

Saray Gawgawa 27:34

Kanyan kerewen kod sikayo a mangan ki la! Nakaukolan yoy mangan pian nilaban kayo. Anggapoy narisgod sikayo. Ag nabalang so anggan sakey a buek na siopaman ed sikayo!”

1 Samuel 14:45

Balet inkuan na saray totoo ed kinen Saul, “Pateyen kasi si Jonatan ya angipanguloy impanalo na Israel? Andi! Isipan mid mabilay a Katawan ya ag naandi so anggan saksakey a buek nen Jonatan. Tinulongan na Dios ed ginawa tod sayan agew.” Kanyan saray totoo impaliis day Jonatan ed ipapatey.