1 Saray Arari 1:29 - Maung A Balita Biblia

²⁹ Insan inkuan na ari ed sikato, “Sambaan kod sika, diad ngaran na mabilay a Katawan ya angekal ed siak ed amin a gunigon ko,

Maung a Balita Biblia

²⁹ Insan inkuan na ari ed sikato, Sambaan kod sika, diad ngaran na mabilay a Katawan ya angekal ed siak ed amin a gunigon ko,

1 Saray Arari 1:29 Iomraidhean Croise

Genesis 48:16

Bindisionan ira komun na anghil ya angipaliis ed siak ed antokaman a kaogsan. Mansiansia komun ed panamegley da so ngaran ko tan say ngaran di amak ya Abraham tan amak ya Isaac. Nawalaan ira komun na amayamay a kabyangay boleg.”

2 Samuel 12:5

Pinmetang a maung so olo nen David ed samay mayaman a too. Inkuanto, “Isipan kod mabilay a Katawan a nepeg ya ompatey iman a nanggawad saya!

2 Samuel 4:9

Inmebat si David ed sikara, “Mansamba ak ed ngaran na mabilay a Katawan, ya angyagel ed siak ed amin a kaatapan.

1 Saray Arari 1:28

Inkuanen Ari David, “Ibagam ed kinen Bat-seba ya ompawil diad abay ko”—et pinmawil si Bat-seba tan nanalagey ed arap na ari.

1 Saray Arari 17:1

Inkuanen propita Elias a taga Tisbe na Galaad ed kinen Ari Aca, “Diad ngaran na Katawan a mabilay a Dios na Israel a panlilingkuran ko, ibagak ed sikan anggapoy napelag a linaew o oran ed loob na arapen a duara odino taloy taon ya anggad ag ko pangibagan onoran la.”

1 Saray Arari 18:10

Diad ngaran na mabilay a Katawan a Dios mo, sambaan ko ya impaanap ka na ari ed anggad iner a sokung na mundo. Diad inerman a baley ya impakapangibagaan ya andi kad man, impansamba toy pangulod saman a pasen ya ag da kad man narumog.

1 Saray Arari 2:24

Pinaletan na Katawan a pairungen ak ed trono nen amak a David; tinoor toy sipan to tan inter toy nanarian ed siak tan saray kabyangay pamilyak. Isambak ed ngaran na mabilay a Katawan ya ompatey si Adonias natad sayan agew!”

2 Saray Arari 4:30

Inkuan na samay bii ed kinen Eliseo, “Mansasamba ak diad inkatoor kod mabilay a Katawan tan diad sika ya ag ta ka taynan!” Kanyan akilay Eliseo ed samay bii nen pinmawil.

2 Saray Arari 5:16

Inmebat si Eliseo, “Diad ngaran na mabilay a Katawan a panlilingkuran ko, ag ak mangawat na antokaman a rigalo.” Ipapasoot nen Naaman ya iter, balet ag to awaten.

2 Saray Arari 5:20

nen si Giezi ya aripen nen Eliseo et inkuantod sikaton dili, “Ag impanbayar na amok si Naaman a Siriano. Inawat to komun imay iiter to. Diad ngaran na mabilay a Katawan, aboten ko, ta miala ak na antokaman ed sikato.”

Saray Salmo 136:24

inekal to itayod pakayari na saray kalaban tayo; andi-anggaan so panangaro to.

Saray Salmo 138:7

Anggan aliber ak na saray gunigon, iyaarawi mo ak ed kairapan; Susumlangen mo ray mamapasnuk a kalaban ko, tan ilalaban mo ak diad panamegley na pakayarim.

Saray Salmo 72:14

Iyaagel to rad kalalames tan kakairapan da; mabli ed sikato ray bilay da.

Saray Huis 8:19

Inkuanen Gedeon, “Agagik ira man, anak ira na dilin inak. Sambaan ko a no ag yo ra komun pinatey, ag ta kayo met pateyen natan.”

1 Samuel 14:39

Isipan kod mabilay a Katawan, say manangilaban na Israel, a pateyen so nankasalanan, anggan si Jonatan ya anak ko.” Balet anggapoy imbaga na siopaman.

1 Samuel 14:45

Balet inkuan na saray totoo ed kinen Saul, “Pateyen kasi si Jonatan ya angipanguloy impanalo na Israel? Andi! Isipan mid mabilay a Katawan ya ag naandi so anggan saksakey a buek nen Jonatan. Tinulongan na Dios ed ginawa tod sayan agew.” Kanyan saray totoo impaliis day Jonatan ed ipapatey.

1 Samuel 19:6

Dinengel nen Saul si Jonatan tan sinambaan tod ngaran na Katawan ya ag to la pateyen si David.

1 Samuel 20:21

Insan ko ibagad aripen ko ya alaen to ra. No ikuankod sikato, ‘Nengneng mo, wadtan ed sayan diking mo iray pana; alam ira,’ say labat ton ibaga arawi kad kaatapan, et nayarian moy ompaway. Sambaan kod ngaran na mabilay a Katawan ya arawi kad kaatapan.