1 Samuel 9:16 - Maung A Balita Biblia

¹⁶ “Nabwas, sakey ya onyan oras, ibakik ed sikay sakey a lakin kabyangay tribu nen Benjamin; lanaan mo ta sikatoy manoley ed saray totook ya Israelita, tan iyagel to rad saray Filisteo. Anengneng koy kairapan da ray totook, tan nadngel koy ikekerew dad siak na tulong.”

Maung a Balita Biblia

¹⁶ Nabwas, sakey ya onyan oras, ibakik ed sikay sakey a lakin kabyangay tribu nen Benjamin; lanaan mo ta sikatoy manoley ed saray totook ya Israelita, tan iyagel to rad saray Filisteo. Anengneng koy kairapan da ray totook, tan nadngel koy ikekerew dad siak na tulong.

1 Samuel 9:16 Iomraidhean Croise

2 Samuel 3:18

Niay pankanawnawa yo natan. Nanunotan yo angangko ya inkuay Katawan, ‘Ikanak so aripen kon David a mangyagel ed saray totook ya Israelita ed saray Filisteo tan saray arum a kalaban da!’”

2 Saray Arari 20:5

ya ompawil ed kinen Ezekias, say manoley na totoo na Katawan, ta ikuantod sikato, “Say Katawan kuantod sika: Siak, say Katawan a Dios na lakim a David, et nadngel koy pikakasim tan anengneng koy interter na luam. Paabigen ta ka, tan diad kumatlon agew onla kad Timplo.

Saray Salmo 102:1

Katawan, dengel mo pay pikakasik, tan talineng moy pikekerew koy tulong!

Saray Salmo 106:44

Anggaman ontan, dinengel iray Dios nen tinmawag ira, tan inimano toy kairapan da.

Saray Salmo 25:18

Imanom pay segsegan tan kairapan ko, tan pirdonam pa ray amin a kasalanan ko.

Probirbio 16:9

Nayarin mamplano ka, balet say Katawan so mangiwawanwan ed saray gawam.

Jeremias 32:8

Insan, onung na imbagay Katawan, linmad siak si kapinsan kon Hanamel diad patio na palasioy ari tan kinerew tod siak, ‘Saliw mo pa la may alog ko ed Anatot a sakop na dalin na Benjamin. Sikay sankaasinggeran a kanayon ko, tan walay kanepegan mon manaliw tan mangayaryan ed saman ya alog. Saliw mo pa la.’ Akabatan ko lad saman ya ingganggan ak na Katawan a gawaen ko ya.

1 Samuel 10:1

Insan angalay Samuel na sakey a botilyan larak na oliba tan inkalbo tod olo nen Saul, inanguban to, tan kuanto, “Say Katawan lalanaan to kan manoley ed saray totoo ton Israelita. Oleyan mo ray totoo to tan iyagel mo rad saray kalaban da. Saya so pakapatnagan mo a pinili say Katawan a manoley ed saray totoo to.

1 Samuel 14:20

Insan si Saul tan saray totoo to linma ran mibakal ed saray Filisteo a lapud aligewgewan et manlalaban iran dili.

1 Samuel 14:23

Nilabanan da ray Filisteo ya anggad labas na Bet-aven. Diad saman ya agew inyagel na Katawan so Israel.

1 Samuel 15:1

Inkuanen Samuel ed kinen Saul, “Say Katawan et siak so imbaki to a lanaan ta kan manari ed saray totoo tod Israel. Natan sirin, dengel moy ibaga na Katawan a Makapanyarin-amin.

1 Samuel 16:1

Inkuan na Katawan ed kinen Samuel, “Kaonungay kabayag so panermen mo lapud kinen Saul? Impolisay ko lan ari na Israel. Mangala kay larak na oliba tan lakad lakin say ngaran to et Jesse, a walad Betlehem, ta pinilik ya ari so sakey ed saray anak ton lalaki.”

1 Samuel 16:3

Imbitaan moy Jesse ed bagat, tan ibagak ed sikay gawaen mo. Lanaan mon manari so lakin ibagak ed sika.”