1 Samuel 9:12 - Maung A Balita Biblia

^12-13 “On, wadya,” ebat da ra may bibii. “Ganatan yo, pian naabot yo ni, ta akaonay daiset nen say sikayo. Kasabi yod baley, narumog yod man. Sinmabi natan ed baley, ta saray totoo et onla ran mangibagat ed altar a walad toktok na pokdul. Ag ni mangan iray totoon naimbitaan ya anggad isabi to, ta nepeg to nin bindisionan iray bagat. Laki la natan, et narumog yon tampol, kasakbayan ya onlan mangan ed pokdul.”

Maung a Balita Biblia

^12-13 On, wadya, ebat da ra may bibii. Ganatan yo, pian naabot yo ni, ta akaonay daiset nen say sikayo. Kasabi yod baley, narumog yod man. Sinmabi natan ed baley, ta saray totoo et onla ran mangibagat ed altar a walad toktok na pokdul. Ag ni mangan iray totoon naimbitaan ya anggad isabi to, ta nepeg to nin bindisionan iray bagat. Laki la natan, et narumog yon tampol, kasakbayan ya onlan mangan ed pokdul.

1 Samuel 9:12 Iomraidhean Croise

Genesis 31:54

Amatey na sakey ya ayep tan imbagat tod man ed palandey, insan to inimbitaan a mangan iray totoo to. Kasumpal dan angan, pinalabas day labi diad saman a palandey.

1 Saray Awaran 16:39

Balet si Sadoc tan saray kapara ton papari so impasen ton makaoley ed panangigalang ed Katawan diad Gabaon.

1 Samuel 10:5

Insan ka onla ed Pokdul na Dios diad Gabaa a kawalaay sakey a kampo da ray Filisteo. Kaloob mod baley, naabet moy sakey ya olup na saray propita ya onleleksab iran nanlapu ed altar a walad toktok na pokdul. Manotogtog ira na saray arpa, tambul, plauta, tan saray saltirio. Mansayaw-sayaw tan maneeyag-eyag ira.

1 Samuel 16:2

“Panoy panggawak ed satan?” tepet nen Samuel. “No narengelan nen Saul, pateyen to ak!” Inmebat so Katawan, “Mangawit kay kilaw a baka tan ibagam a wadman kan mangibagat ed Katawan.

1 Samuel 2:35

Mamili ak na sakey a parin matoor ed siak tan manggaway amin ya ibagak ed sikato. Itdan ko na saray kabyangay boleg to tan manlingkur ira lawas ed arap na pinilik ya ari.

1 Samuel 20:6

No naimano nen amam ya anggapo ak ed lamisaan, ibagam ed sikaton nampatanir ak ed sika ya ongganggano ak ed Betlehem, ta asabiy tinaon a bagat a para intiron pamilyak.

1 Samuel 7:17

Insan ompawil ed abung tod Rama, tan diman met nanlingkur a sakey a huis. Amaalagey diman na altar ed Katawan.