1 Samuel 7:9 - Maung A Balita Biblia

⁹ Angalay Samuel na onsususo nin kordiro tan pinoolan ton intiro ya imbagat ed Katawan. Insan akikasi a tulongan na Katawan so Israel, et inebatan na Katawan so pikakasi to.

Maung a Balita Biblia

⁹ Angalay Samuel na onsususo nin kordiro tan pinoolan ton intiro ya imbagat ed Katawan. Insan akikasi a tulongan na Katawan so Israel, et inebatan na Katawan so pikakasi to.

1 Samuel 7:9 Iomraidhean Croise

Saray Salmo 50:15

Tawag kayod siak no onsabiy gunigon; ilaban ta kayo, et idayew yo ak.”

Saray Salmo 99:6

Di Moises tan Aaron iray papari to, tan si Samuel so sakey ed saray nampikasid sikato; tinmawag irad Katawan, et inebatan to ra.

Jeremias 15:1

Insan inkuan na Katawan ed siak, “Anggan manalagey ira di Moises tan Samuel diad arap ko a mikasi ed siak, ag ko kasian ira yan totoo. Paekal mo ra tan pataynan mo rad pakanengneng ko.

Deuteronomio 9:26

Et nampikasi ak, ‘Katawan a Dios, ag mo pa papateyen iray dilin totoom, saray totoon inyagel tan impaway mod Egipto diad panamegley na baleg a biskeg tan pakayarim.

Santiago 5:16

Kanyan mampapatwaan kayo ray kasalanan yo, tan mampipikasiyan kayo, pian onabig kayo. Dakel so nagawaay pikakasi na toon matonung.

Saray Huis 6:26

Diad sayan pokdul mangipaalagey ka na malet ya altar a para Katawan a Dios mo. Insan mo alaen imay kumadwan baka tan isaklang mon bagat a popoolan; say pamparlang mo samay itumbam a tanda nen diosan Asera.”

Saray Huis 6:28

Kabangon na saray totoo ed ontombuk a kabwasan, anengneng dan ageba so altar a para Baal tan tanda nen diosan Asera. Naimano da met a samay kumadwan bakan kalakyan et nisaklang ed altar a nipaalagey diman.

1 Samuel 10:8

Onaan mo ak ya onlad Gilgal, a diman ta ka banaen tan mangisaklang ak na saray bagat a popoolan tan saray bagat a para kareenan. Manalagar kad man na pitoy agew ya anggad isabik tan ibagak ed sika ray gawaen mo.”

1 Samuel 12:17

Tiagew ed natan, anto? Balet mampikasi ak, et say Katawan pakarulen tan paoranen to. No nagawa ya, nabirbir yon nanggawa kayoy baleg a kasalanan ed Katawan nen kinmerew kayod sikato na sakey ya ari.”

1 Samuel 16:2

“Panoy panggawak ed satan?” tepet nen Samuel. “No narengelan nen Saul, pateyen to ak!” Inmebat so Katawan, “Mangawit kay kilaw a baka tan ibagam a wadman kan mangibagat ed Katawan.

1 Samuel 2:35

Mamili ak na sakey a parin matoor ed siak tan manggaway amin ya ibagak ed sikato. Itdan ko na saray kabyangay boleg to tan manlingkur ira lawas ed arap na pinilik ya ari.

1 Samuel 7:17

Insan ompawil ed abung tod Rama, tan diman met nanlingkur a sakey a huis. Amaalagey diman na altar ed Katawan.

1 Samuel 9:12

“On, wadya,” ebat da ra may bibii. “Ganatan yo, pian naabot yo ni, ta akaonay daiset nen say sikayo. Kasabi yod baley, narumog yod man. Sinmabi natan ed baley, ta saray totoo et onla ran mangibagat ed altar a walad toktok na pokdul. Ag ni mangan iray totoon naimbitaan ya anggad isabi to, ta nepeg to nin bindisionan iray bagat. Laki la natan, et narumog yon tampol, kasakbayan ya onlan mangan ed pokdul.”