1 Samuel 7:3 - Maung A Balita Biblia

³ Inkuanen Samuel ed saray totood Israel, “No impapusoy ipawil yod Katawan, nakaukolan ya ibantak yo la ray diriyos na saray arum a bansa tan saray talintao nen diosan Astarot. Isaklang yod Katawan so sikayon dili tan sikato labat so panlingkuran yo, et ekalen to kayo ed pakayari na saray Filisteo.”

Maung a Balita Biblia

³ Inkuanen Samuel ed saray totood Israel, No impapusoy ipawil yod Katawan, nakaukolan ya ibantak yo la ray diriyos na saray arum a bansa tan saray talintao nen diosan Astarot. Isaklang yod Katawan so sikayon dili tan sikato labat so panlingkuran yo, et ekalen to kayo ed pakayari na saray Filisteo.

1 Samuel 7:3 Iomraidhean Croise

Genesis 35:2

Kanyan inkuanen Jacob ed pamilya to tan amin a kaiba to, “Ibantak yo ray diriyos na arum a bansa ya awit yo; linisan yoy sikayon dili, insan kayo mampales na malinis.

1 Saray Arari 11:33

Gawaen ko ya, ta impolisay ak nen Solomon tan angigalang ed Astarte a diosa na Sidon, Cemos a dios na Moab, tan Milcom a dios na Ammon. Ag ak inonur nen Solomon; ag to inalig si ama ton David a nanggaway katonungan tan angonur ed saray ganggan tan saray bilin kod sikato.

1 Saray Arari 8:48

No diad saman a dalin et petepeteg tan masimoon iran magbabawi tan mampikasi ran akaarap ed sayan dalin ya inter mod saray lalaki mi, diad sayan siudad a pinilim tan diad sayan Timplo ya impaalagey kon para sika,

2 Saray Arari 17:39

Nepeg a takotan yo ak, say Katawan a Dios yo, et iyagel ta kayod saray kalaban yo.”

2 Saray Arari 23:15

Inggeba met nen Josias so pasen a panangigalangan diad Betel a ginawa na lakin anak nen Nebat a si Ari Jeroboam a nilagyat ton nankasalanan so Israel. Inggeba nen Josias imay altar, minekmek to ray bato to ya anggad dinmabuk ira; pinoolan to met so masanton tiken a nisaklang ed diosan Asera.

1 Saray Awaran 22:19

Nepeg natan a masimoon tan matoor so panlingkur yod Katawan a Dios yo. Igapo yon ipaalagey so Timplo a pamagalang ed Katawan, pian niiyan yod dalem to imay Kaban na Sipanan na Katawan tan saray arum a masanton kagawaan ya ikakanad pangigalang ed sikato.”

1 Saray Awaran 28:9

Insan inkuantod kinen Solomon, “Anak ko, nia so bilin kod sika: birbir moy Dios nen amam tan panlingkuran mod intiron pusom tan mabolbolus a linawa. Amta to ray amin a kanunotan tan saray pilalek tayo. No ondago kad sikato, awaten to ka; balet no ibeneg mo, ando lan andon ikaindan to ka.

2 Saray Awaran 19:3

Anggaman ontan, walay kamaungan mo. Inekal mon amin iray tanda na diosan Asera ya igagalang na saray totoo, tan nampilalekan moy mangonur na linaway Dios.”

2 Saray Awaran 20:33

balet ag aderal iray paganon pasen a panangigalangan. Aliwa nin sigput so impawil na saray totoo ed panangigalang ed Dios da ray lalaki ra.

2 Saray Awaran 30:19

“O Katawan a Dios na saray lalaki mi, lapud kaabigan mo pirdonam pa ra yan masimoon a mangigagalang ed sika, anggaman ya aliwa ran malinis onung ed ganggan.”

Probirbio 16:1

Nayarin mamplano tayo, balet say Dios so makaoley ed pakasumpal da.

Isaias 55:7

Saray makasalanan a totoo et ibeneg da komun so kabibilay da tan omanen day panagnunot da. Ompawil ira komun ed Katawan a Dios tayo, ta mapangasi tan sipaparaan a mamirdona.

Jeremias 24:7

Itdan ko ra na pilalek a mangamta a siak so Katawan. Diad satan magmaliw iran totook tan siak so Dios da, lapud ompawil irad siak diad intiron puso ra.

Jeremias 36:3

Angangko no narengel na saray totood Juda iray amin a deral a getmak ya iyakar ed sikara, ikaindan day maoges a kabibilay da. Pirdonaen kod satan iray kaogsan tan saray kasalanan da.”

Jeremias 4:1

Say Katawan kuanto, “Totood Israel, no labay yoy mampatauli, pawil kayod siak. No ekalen yo ray talintaon kabosul ko, tan magmaliw kayon matoor ed siak.

Ezekiel 14:6

“Natan sirin, ibagam ed saray Israelita so ibabagak, siak a Katawan a Dios: Magbabawi kayo tan taynan yo la ray makapaingungot a talintaoy diriyos.

Ezekiel 18:31

Tondaan yo la ray kaogsan a gagawaen yo, tan iyalaan yo lay sikayon dili na balon isip tan puso. Akin et labay yoy ompatey, sikayo ran Israelita?

Oseas 14:1

Sikayo ran totood Israel, pawil kayo la ed Katawan a Dios yo. Imparokul tan impelag kayo na kasalanan yo.

Mateo 15:8

Gagalangen ak na sarayan totoo diad panamegley na bibil da; balet diad tuay tua, arawrawid siak so puso ra.

Mateo 4:10

Inkuanen Jesus, “Ekal ka dia, Satanas! Ta ibabagay Masanton Sulat: ‘Igalang moy Katawan a Dios mo, tan sikato labat so panlingkuran mo!’”

Mateo 6:24

“Anggapoy toon makapanlingkur ed duaran amo, ta bosulen toy sakey tan aroen toy sakey, panlingkuran toy sakey tan balawen toy sakey. Ag kayo makapanlingkur ed Dios tan say kayamanan.

Lucas 4:8

Inmebat si Jesus, “Ibabagay Masanton Sulat, ‘Igalang moy Katawan a Dios mo, tan sikato labat so panlingkuran mo!’”

Juan 4:24

Ispiritu so Dios, kanyan saray mangigalang ed sikato nepeg dan galangen ed ispiritu tan diad katwaan.”

Deuteronomio 10:20

Takotan yoy Katawan a Dios yo tan sikatoy panlingkuran yo. Mansiansia kayod sikato tan mansipan kayo ed ngaran to labat.

Deuteronomio 13:4

Tombuk yo so Katawan tan takotan yo; toluk tan sumpal yo ray ganggan to; igalang yo tan mansiansia kayod sikato.

Deuteronomio 4:29

Diman yo anapen so Katawan a Dios yo et no ipuspuso yon anapen, narumog yo.

Deuteronomio 6:13

Takotan yoy Katawan a Dios yo, sikato labat so igalang yo, tan mansipan kayo ed ngaran to labat.

Josue 13:31

Sakop met na dalin da so kapalduay Galaad, pati say Astarot tan Edrei, saray manonan siudad na nanarian nen Og diad Basan. Sikara ya so niiter ed kapaldua na saray pamilya a say sengeg da et si Makir a lakin anak nen Manases.

Josue 24:14

“Natan sirin,” intuloy nen Josue ya inkuan, “pagalangan yo so Katawan tan masimoon tan matoor yon panlingkuran. Ibantak yo ray diriyos ya inggagalang nen saman na saray lalaki yo diad Mesopotamia tan diad Egipto. Say Katawan labat so panlingkuran yo.

Josue 24:23

Insan inkuanen Josue ed sikara, “Ibantak yo sirin iray diriyos na arum a bansa a walad sikayo, tan isipan yon matoor kayo ed Katawan a Dios na Israel.”

Saray Huis 10:16

Kanyan imbabantak da ray kayaryan dan diriyos na arum a bansa, tan inggalang da lay Katawan; et agunigon so Katawan lapud kakairapan na saray Israelita.

Saray Huis 10:6

Nankasalanan lamet ed Katawan iray Israelita diad impangigagalang dad saray Baal tan diad saray Astarot, ontan met ed saray diriyos na Siria, Sidon, Moab, tan Filistia. Inkaindan day Katawan tan tinondaan day angigalang ed sikato.

Saray Huis 2:11

Insan nankasalanan ed Katawan iray totood Israel tan nanlingkur ira ed saray Baal.

Saray Huis 2:13

Tinondaan day angigalang ed Katawan tan nanlilingkur ira ed saray Baal tan Astarot.

1 Samuel 31:10

Insan da inyan ed dalem na timplo na diosan Astarot iray armas nen Saul, tan impasak day kabalgan tod padir na siudad na Bet-san.