1 Samuel 7:10 - Maung A Balita Biblia

¹⁰ Legan nen Samuel a mangibabagat, onaasingger iray Filisteo ya ondogpa, balet makmaksil a pinakarulan ira na Katawan. Agewgew ira, tan kibatiktik ira.

Maung a Balita Biblia

¹⁰ Legan nen Samuel a mangibabagat, onaasingger iray Filisteo ya ondogpa, balet makmaksil a pinakarulan ira na Katawan. Agewgew ira, tan kibatiktik ira.

1 Samuel 7:10 Iomraidhean Croise

Saray Salmo 18:15

Pinmaway so dalem na dayat tan alokasan iray pundasion na mundo, nen nampasnukan mo ray kalaban mo, Katawan, tan ineyagan mo ray maksil lapud sanuk mo.

Saray Salmo 29:3

Narerengel so bosis na Katawan diad tapew da ray dayat; onkakarul so mapagalang a Dios, et narerengel so bosis to ed saray danum.

Saray Salmo 29:4

Narerengel so bosis na Katawan, say bosis ton makapanyari tan napnoy kagalangan.

Saray Salmo 78:66

Pinapoliktar to ray kalaban to; andi-anggaan tan makapabaing so inkatalo ra.

Zacarias 4:6

Samay anghil imbaga tod kinen Zorobabel ira yan salita na Katawan: “Mampalabo ka, aliwan lapud pakapanyari na saray sondalo odino lapud dilin biskeg mo, no ag ingen lapud ispirituk.

Deuteronomio 28:7

“Say Katawan taloen to ray kalaban yo no dogpaan da kayo. Dogpaan da kayo ed sakey a dapag, balet ibatikan da kayod amin a dapag.

Josue 10:10

Say Katawan ginewgew to ray Amorreo nen anengneng da ray sondalo na Israel. Saray Israelita pinapatey dad Gabaon iray Amorreo tan inosilan da rad dalan ed alusadsar na palandey ed Bet-horon; dinogpaan da ra ya anggad Azeka tan Maceda diad abalaten.

Saray Huis 4:15

Nen dinmogpa si Barac tan saray sondalo to, ginewgew na Katawan si Sisara, pati saramay karwahi to tan amin a totoo to. Inmepas ed karwahi to si Sisara tan batik.

Saray Huis 5:20

Manlapud tawen akilaban iray bitewen; diad ibebeltang dad tawen, nilabanan day Sisara.

Saray Huis 5:8

Insan walay bakal ed dalin nen nampili na balon diriyos iray Israelita. Diad apataplon libon lalaki ed Israel, walay sakey a nanawit na samper odino pika?

1 Samuel 12:17

Tiagew ed natan, anto? Balet mampikasi ak, et say Katawan pakarulen tan paoranen to. No nagawa ya, nabirbir yon nanggawa kayoy baleg a kasalanan ed Katawan nen kinmerew kayod sikato na sakey ya ari.”

1 Samuel 14:15

Manggiwgiw ed takot iray amin a Filisteon walad samay pasen; saray sondalon walad kampo tan saray walad lawak na bakalan et manggiwgiw irad takot; yenmegyeg, tan walay baleg ya aligewgewan.

1 Samuel 2:10

Napatey iray onlalaban ed Katawan; manlapud tawen pakarulan to ra. Sintinsiaan na Katawan so intiron mundo; pabiskegen toy ari to, panaloen toy pinili ton ari.”

1 Samuel 7:11

Saray Israelitan walad Mizpa inosilan da ra ya anggad Bet-car, tan pinapatey da rad dalan.