1 Samuel 6:6 - Maung A Balita Biblia

⁶ Akin et paaweten yoy olo yo a singa say ari na Egipto tan saray Egipsio? Ag yo ta amtan kayarin pinapairap iray Dios et inabuloyan da ray Israelita ya ontaynan ed Egipto?

Maung a Balita Biblia

⁶ Akin et paaweten yoy olo yo a singa say ari na Egipto tan saray Egipsio? Ag yo ta amtan kayarin pinapairap iray Dios et inabuloyan da ray Israelita ya ontaynan ed Egipto?

1 Samuel 6:6 Iomraidhean Croise

Say Libro nen Job 9:4

Ontan lay kakabatan tan biskeg na Dios; anggapoy makasumlang ed sikato.

Saray Salmo 95:8

“Ag yo papaawetey olo yo, a singa saray lalaki yo nen wala rad Meriba, a singa sikara nen samay agew a wala rad kalawakay Masa.

Exodo 10:3

Kanyan di Moises tan Aaron linma rad ari tan kuandad sikato, “Say Katawan a Dios na saray Hebreo kuanto, ‘Anggad kapigay ag mo itoluk ed siak? Abuloyan mo lan ontaynan iray totook, pian nigalang da ak.

Exodo 14:17

Paaweten koy kapusoan da ray Egipsio; onosil irad satan, et napagalangan ak diad panalok ed ari, diad saray sondalo to, diad saray karwahi to, tan diad saray kutsiro to.

Exodo 14:23

Inosilan ira na saray Egipsio tan tinombuk da ra ya anggad pegley na dayat, pati saray amin a kabayo ra, saray karwahi ra, tan saray kutsiro ra.

Exodo 4:21

Say Katawan inkuanto lamet ed kinen Moises, “No wadman ka lan akaarap ed ari na Egipto, ag mo lilingwanan a gawaen ira may amin a pakelaw, ta inter ko lad sikay pakayarin manggawa. Balet paaweten koy puso to tan ag to ibolus iray totoo.

Exodo 7:13

Balet nansiansian anawet so puso na ari, tan onung na imbaga na Katawan, ag dinmengel ed kindi Moises tan Aaron so ari.

Exodo 7:14

Insan say Katawan kuantod kinen Moises, “Anawet a tuloy so puso na ari tan ag to abuloyan ya ontaynan iray totook.

Exodo 8:15

Nen anengneng na ari ya inaatey la ra may patang, pinaawet to lamet so puso to tan onung na imbaga la na Katawan, ag dinmengel so ari ed kindi Moises tan Aaron.

Exodo 8:32

Balet pinaawet ni na ari so puso to, tan ag to lamet inabuloyan ya onla la ray Israelita.

Exodo 9:16

Balet inabuloyan ta ka nin mambilay, ta labay kon ipanengneng ed sika so pakapanyarik, et diad ontan nikayat ed intiron mundo so dayew ko.

Exodo 9:34

Nen anengneng na ari so agawa, nankasalanan lamet. Pinaawet toy puso to tan ontan met na saray opisyal to.

Saray Taga Roma 2:5

Balet lapud benger ka tan anawet so pusom, pabebelaten moy dusan niiter ed sika no Agew ya ompatnag lay sanuk na Dios tan say maptek a panagsintinsia to.

Saray Hebreo 3:13

Ingen, mansisimbawaan kayon inagew-agew, legan a say walad Masanton Sulat a “Natan” et onkanad sikatayo, pian anggapod sikayoy onawet so olo to tan ibalang na kasalanan.