1 Samuel 6:5 - Maung A Balita Biblia

⁵ Nakaukolan a manggawa kayo na sarayan balituk a pelsa tan balituk ya otut a mandederal ed bansa yo, tan pagalangan yoy Dios na Israel. Itonda to angangko so panudusa tod sikayo, saray diriyos yo, tan say dalin yo.

Maung a Balita Biblia

⁵ Nakaukolan a manggawa kayo na sarayan balituk a pelsa tan balituk ya otut a mandederal ed bansa yo, tan pagalangan yoy Dios na Israel. Itonda to angangko so panudusa tod sikayo, saray diriyos yo, tan say dalin yo.

1 Samuel 6:5 Iomraidhean Croise

1 Saray Awaran 16:28

Amin yon katoowan ed tapew na dalin, idayew yoy Katawan; idayew yoy kagalangan tan pakapanyari to.

1 Saray Awaran 16:29

Idayew yoy mapagalang a ngaray Katawan; mangawit kayoy bagat tan loob kayod Timplo to. Dakmomo kayod arap na Masanton Katawan no omparontal;

Saray Salmo 18:44

Dadakmomoan ak na saray totoon taga arum a bansa; no narengel da ak, ononur ira.

Saray Salmo 32:4

Agew-labin dinudusa mo ak, Katawan; nakal lan sigput so biskeg ko, a singa bengatlan ambasa a pinamagay petang ed panaoy tiagew.

Saray Salmo 39:10

Ag mo ak pa la dudusaen! Ngalngali ak la ompatey lapud panagkabil mod siak.

Saray Salmo 66:3

Kuanyod Dios, “Makapakelkelaw iray gagawaen mo! Diad kabaleg na pakayarim, sitatakot ya ondadakmomod sika iray kalaban mo.

Exodo 12:12

“Diad satan a labi onliber ak ed intiron dalin na Egipto, pateyen koy balang pangulowan ya anak a laki tan amin a besag ya anak na ayep tan dusaen kon amin iray diriyos na Egipto. Siak so Katawan.

Exodo 8:17

Kanyan si Aaron binakbak to na baston to so dalin, et nagmaliw a timel ya amin iray dabuk ed Egipto, tan inaambongalan da ray katoowan tan saray ayayep.

Exodo 8:24

Say Katawan ginawa to so onung na imbaga to. Imbaki to ray dakerakel ya apangat diad palasio na ari tan diad kaabungan na saray opisyal to. Aderal so intiron dalin na Egipto lapud saramay apangat.

Exodo 8:5

Say Katawan kuantod kinen Moises, “Ibagam ed kinen Aaron ya iyatagey ton ipetek ed tapew na saray ilog so baston to, diad saray banawang, tan diad amin a dipositoway danum, ta pasakbiten to ray patang tan pakayaten to rad intiron dalin na Egipto.”

Isaias 19:1

Sikato yay propisiya a nipaakar ed Egipto. Akalogan ed lorem so Katawan tan maples a mamapaarap ed Egipto. Manggiwgiw ed arap to iray talintaoy diriyos na Egipto, tan nanaekalan na biskeg na linawa iray Egipsio.

Isaias 42:12

Saray manaayam ed arawin dalin et idayew tan igalang da komun so Katawan.

Jeremias 13:16

Pagalangan yoy Katawan a Dios yo, kasakbayan a mangyakar na kabilongetan, tan natumtumba kayod kapalandeyan; kasakbayan a pagmaliwen ton ambilbilonget so iilaloan yon liwawa.

Jeremias 3:13

Birbir mo labat a nankasalanan ka, tan sinmumpa ka ed Katawan a Dios mo. Ipatwam a diad silong na balang mabonan kiew, inter moy panangarom ed diriyos da ray arum a bansa, tan ag mo inonur iray ganggan ko. Siak, say Katawan, so nansalita.

Joel 2:25

Ipawil kod sikayo ira may naandid sikayo diad saramay taon ya inaakan na amayamay a dorun iray tanaman yo. Siak so angibakid sikayo ra man ya amayamay a dorun.

Jonas 3:9

Angangko mangoman na kanunotan so Dios; pakepaen to angangkoy pasnuk to, et ag itayo ompatey!”

Malakias 2:2

Nepeg yo ak a pagalangan diad panamegley na gagawaen yo. No ag yo dengelen so ibabagak ed sikayo, isamba ta kayo. Isambak iray bengatlan panlalapwan na pambilay yo. Diad tuay tua insambak la ra, lapud leleglemewen yoy ganggan ko.

Saray Bilang 33:4

a mangipopompon na saray pangulowan a lalakin anak da a pinapatey na Katawan. Diad impanggawa na Katawan ed saya, impanengneng ton sikatoy makapanyari nen saray diriyos ed Egipto.

Juan 9:24

Kanyan impatawag da lamet imay toon nianak a bulag tan kuanda, “Pagalangan moy Dios diad pangibagam na katwaan! Amta min makasalanan iman a too.”

Josue 7:19

Inkuanen Josue ed sikato, “Anak ko, ibagam so tua ed arap na Katawan a Dios na Israel, pian sikatoy napagalangan mo. Ibagam natan so ginawam. Ag mo iyaamut ed siak.”

Puyan 11:13

Diad saman a bekta, yinmegyeg na maksil. Aderal so kakaplon parti na siudad, tan piton libon totoo so inaatey lapud samay yegyeg. Tinmakot iray totoon atilak a mabilay, tan inggalang day Dios na tawen.

Puyan 14:7

Inkuantod maksil a bosis, “Takotan yoy Dios, tan itanduro yoy katageyan to! Ta sinmabi lay oras a panintinsia to. Kanyan igalang yoy Dios ya amalsay tawen, dalin, dayat, tan saray sobul na danum!”

Puyan 16:9

Apoolan iray katoowan, tan inayew day ngaran na Dios a walay pakayari ton mangiter na ontan iran salot. Balet ag ira nampatauli tan ag da inggalang so Dios.

1 Samuel 5:11

Kanyan angibaki ra lamet na manawag ed amin da ray limaran arari na Filistia. Nen atipon la ran lima, inkuanda, “Iyakar yoy Kaban na Sipanan na Dios ed pasen ton dili, pian ag to tayo pateyen tan saray pamilya tayo.” Walay gewgew ed intiron siudad, ta dudusaen iran maung na Dios.

1 Samuel 5:9

Balet kasabi tod man, dinusa met na Katawan iman a siudad, tan ginewgew ton maung iray totood man. Dinusa to ra diad panamegley na inkapelpelsaan na amin a totood siudad, mamatakken man o mamalangwer.

1 Samuel 6:8

Ikarga yod kariton so Kaban na Sipanan, tan iyan yod abay to so kahon ya anginan yod saramay balituk ya ipawit yon rigalo ya ibayar yod impankasalanan yo. Paolyan yon mankurang a bukor iray baka,