1 Samuel 6:3 - Maung A Balita Biblia

³ Inmebat ira, “No ipawil yoy Kaban na Sipanan na Dios na Israel, nepeg a walay ipila yon rigalo ya ibayar yod impankasalanan yo. Ag yo ipapawil ya anggapoy rigalo so Kaban na Sipanan. Diad saya, onabig kayo, tan naamtaan yo no akin et dudusaen to kayo.”

Maung a Balita Biblia

³ Inmebat ira, No ipawil yoy Kaban na Sipanan na Dios na Israel, nepeg a walay ipila yon rigalo ya ibayar yod impankasalanan yo. Ag yo ipapawil ya anggapoy rigalo so Kaban na Sipanan. Diad saya, onabig kayo, tan naamtaan yo no akin et dudusaen to kayo.

1 Samuel 6:3 Iomraidhean Croise

Say Libro nen Job 10:2

Ag mo ak kari dudusaen, O Dios. Ibagam pad siak no antoy ipapakasalanan mod siak.

Exodo 23:15

Diad bulan na Abib, say bulan ya intaynan yod Egipto, silibraan yo so Pista na Tinapay ya Anggapoy Libadura onung na ingganggan kod sikayo. Ag kayo mamangan na tinapay a pinaalsa ed libadura legan na pitoran agew na sayan pista. Ag kayo ondadagon mangigalang ed siak ya anggapoy awit yon bagat.

Exodo 34:20

balet nepeg yon dondonen so balang besag ya asno diad pangibagat yo na sakey a kordiro a mangalay pasen to. No ag yo dondonen, poter yoy beklew to. Dondon yo so balang pangulowan a laki. “Balang toon ondagod siak nepeg a walay awit ton bagat.

Exodo 8:15

Nen anengneng na ari ya inaatey la ra may patang, pinaawet to lamet so puso to tan onung na imbaga la na Katawan, ag dinmengel so ari ed kindi Moises tan Aaron.

Levitico 5:6

tan say dusay kasalanan to et say pangibagat tod Katawan na sakey a kabatyan a karniro odino kanding. Say pari isaklang to so bagat a para kasalanan to yan too.

Levitico 6:6

Mangyakar ed pari na sakey a kalakyan a karniro odino kanding ya anggapoy deral na laman to, ta ibagat ton pambayar ed Katawan. Say bili na sayan bagat kuintaen onung ed panagkuinta ed santuario.

Deuteronomio 16:16

“Amin da ray lalakin totood bansa yo et nepeg ya onla ran mamitlod sakey taon ed samay pasen a panangigalangan ta igalang day Katawan: no Paskua, no Pista na Panagani, tan no Pista na saray Abung-abung. Balang sakey a laki et nepeg a mangawit na nayarian ton iter a rigalo

1 Samuel 5:11

Kanyan angibaki ra lamet na manawag ed amin da ray limaran arari na Filistia. Nen atipon la ran lima, inkuanda, “Iyakar yoy Kaban na Sipanan na Dios ed pasen ton dili, pian ag to tayo pateyen tan saray pamilya tayo.” Walay gewgew ed intiron siudad, ta dudusaen iran maung na Dios.

1 Samuel 5:7

Nen anengneng day nagagawa, inkuanda, “Say Dios na Israel et dudusaen to itayo tan say dios tayon Dagon. Ag tayo la nayarin panayamen dia tay Kaban na Sipanan.”

1 Samuel 5:9

Balet kasabi tod man, dinusa met na Katawan iman a siudad, tan ginewgew ton maung iray totood man. Dinusa to ra diad panamegley na inkapelpelsaan na amin a totood siudad, mamatakken man o mamalangwer.

1 Samuel 6:8

Ikarga yod kariton so Kaban na Sipanan, tan iyan yod abay to so kahon ya anginan yod saramay balituk ya ipawit yon rigalo ya ibayar yod impankasalanan yo. Paolyan yon mankurang a bukor iray baka,

1 Samuel 6:9

insan yo ra bantayan; no mamaarap irad baley na Bet-semes, say dilin pasen na Kaban na Sipanan, labay ton ibaga a say dios na saray Israelita so amairap a maung ed sikatayo. No ag ira mamaarap ed Bet-semes, naamtaan tayod satan ya aliwan sikatoy amairap; nibambana labat.”