1 Samuel 6:21 - Maung A Balita Biblia

²¹ Angibaki rad saray taga siudad na Kiryat-jearim na pigaran totoo tan impaibaga ra, “Impawil la na saray Filisteo so Kaban na Sipanan na Katawan. Gali dia ta ala yo.”

Maung a Balita Biblia

²¹ Angibaki rad saray taga siudad na Kiryat-jearim na pigaran totoo tan impaibaga ra, Impawil la na saray Filisteo so Kaban na Sipanan na Katawan. Gali dia ta ala yo.

1 Samuel 6:21 Iomraidhean Croise

2 Samuel 6:2

Inwanwan to ra ed Baale-juda, ta alaen dad man so Kaban na Sipanan na Dios a natatawag onung ed ngaray Katawan a Makapanyarin-amin a say trono to et walad tagey na saray kirubin.

Saray Salmo 78:60

Inkaindan toy tulda tod Silo, say tuldan nanayaman tod pegley tayon totoo to.

Jeremias 26:20

Wala met so sakey a lakin nansalita ed ngaran na Katawan, say anak nen Semaya a si Urias a taga Kiryat-jearim. Nansalita sumpad sayan siudad tan sayan bansa a singa samay ginawa nen Jeremias.

Jeremias 7:12

Laka yod Silo, say inmonan pasen a pinilik a pangigalangan ed siak, tan nengneng yo no antoy ginawak ed sikato lapud saray kaogsan na saray totook ya Israel.

Jeremias 7:14

Kanyan gawaen kod sayan Timplok a panmamatalkan yo so singa samay ginawak ed Silo. Gawaen kod sayan pasen ya inter kod sikayo tan saray lalaki yo so singa samay ginawak ed Silo.

Josue 15:60

Siudad da met ni ray onggendan: Kiryat-baal (odino Kiryat-jearim) tan Rabba; duara ran siudad, a pati saray baley ed kaliber-liber da.

Josue 15:9

Manlapud man ontalus ed saray Sobul na Neftoa tan diad saray siudad ya asingger ed Palandey na Efron. Manlapud man onlikon mamaarap ed Baala (odino Kiryat-jearim),

Josue 18:14

Insan ontuloy so ketegan ed sananey a dapag ta ombalikod abalaten manlapud nisagur a dapag na sayan palandey tan onlad Kiryat-baal (odino Kiryat-jearim), a kayaryan na tribu nen Juda. Sikato ya so ketegan ed sagur.

Josue 9:17

Kanyan saray totood Israel ginapwan day pinmaway et kayariy taloy agew, akasabi ra ed saray siudad a panaayaman na saray totoo: Gabaon, Kafira, Beerot, tan Kiryat-jearim.

Saray Huis 18:12

tan nankampo rad Kiryat-jearim na Juda. Sikato yay makasengeg a natatawag ni man a dalin a Kampo na Dan.