1 Samuel 6:14 - Maung A Balita Biblia

¹⁴ Tinmuloy imay kariton ed alog a kayaryan nen Josue a taga Bet-semes tan tinmondad man diad abay na baleg a bato. Binelang na saray totoo imay tablan kariton, tan pinatey da ra may baka, insan da ra insaklang a sakey a bagat a popoolan ed Katawan.

Maung a Balita Biblia

¹⁴ Tinmuloy imay kariton ed alog a kayaryan nen Josue a taga Bet-semes tan tinmondad man diad abay na baleg a bato. Binelang na saray totoo imay tablan kariton, tan pinatey da ra may baka, insan da ra insaklang a sakey a bagat a popoolan ed Katawan.

1 Samuel 6:14 Iomraidhean Croise

2 Samuel 24:18

Diad saman met lamlamang ya agew linmay Gad ed kinen David tan kuantod sikato, “Lakad panagilikan nen Arauna ta manggawa kad may altar a para Katawan.”

2 Samuel 24:22

“Alam labat, Kagalang kon Ari,” kuanen Arauna, “tan isaklang mod Katawan so antokaman a labay mo. Nia ray bakan isaklang a bagat a popoolan; nia ray pako ra tan saray tablan panagilikan a nayarin pamparlang.”

2 Samuel 24:25

Insan nanggaway altar a para Katawan tan angisaklang na saray bagat a popoolan tan saray bagat a para kareenan. Inebatan na Katawan so pikakasi to, kanyan tinmonda so salot ed Israel.

1 Saray Arari 19:21

Kayari ton nampatanir, inala to ra may baka to, pinatas to ra, tan inluto to ra. Insonglur to ray pako da ra may baka to. Inter tod saray totoo so aluton karni tan kinan da. Insan linma a tinmombuk a katambayan nen Elias ed saray kimey to.

Exodo 20:24

Manggawa kayo na dalin ya altar a para siak tan diad tapew to so pambagatan yo na karniro yo tan baka yo a sikaray bagat a popoolan tan bagat a para kareenan. Diad amin a pasen ya ibiig kon pangigalangan yod siak, onla ak ed sikayo tan bindisionan ta kayo.

Saray Huis 21:4

Diad kabkabwasan na ontombuk ya agew binmangon ira may totoo tan amaalagey irad man na altar. Angisaklang ira na saray bagat a popoolan tan saray bagat a para kareenan.

Saray Huis 6:26

Diad sayan pokdul mangipaalagey ka na malet ya altar a para Katawan a Dios mo. Insan mo alaen imay kumadwan baka tan isaklang mon bagat a popoolan; say pamparlang mo samay itumbam a tanda nen diosan Asera.”

1 Samuel 11:5

Onsasabid saman si Saul a nanlapud alog tan sankatengteng to ray baka to. Tinepet to, “Antoy maoges ya agawa? Akin et onaakis so balang sakey?” Imbaga rad sikato so imbalita da ra may nanlapud Jabes.

1 Samuel 20:29

Inkuanto, ‘Abuloyan mo pan onla ak, ta say pamilyak et onla rad baley a mangibagat, tan imbilin nen kuyak a nepeg koy onlad man. Kanyan no talagan kaaro mo ak, abuloyan mo ak ya onla, pian nanengneng ko ray kakanayon ko!’ Sikato yay makasengeg no akin et anggapod pasen to diad lamisaan yo.”

1 Samuel 6:13

Saray taga Bet-semes et manaani ray trigo ed patar. Kabebekta tinmangwa ra tan anengneng day Kaban na Sipanan, et mapalaloy liket da lapud impakanengneng da.

1 Samuel 6:18

Impawit da met ira may otut a balituk, sakey so para kapag baley a panooleyan na limaran arari na Filistia, saray apaliberay padir a baley tan saray anggapoy padir a bario. Samay baleg a baton walad alog nen Josue a taga Bet-semes, ya angitapewan na samay Kaban na Sipanan na Katawan, et wadman ni a mantasi ed agawa.