1 Samuel 5:4 - Maung A Balita Biblia

⁴ Diad kabkabwasan ed ontombuk ya agew anengneng da a say talintao et atumba lamet a tikleb diad arap na Kaban na Sipanan. Nakal natan so olo to tan saray taklay to, tan wala rad pasen a mamaarap ed puirta; atilak so kabalgan labat. (

Maung a Balita Biblia

⁴ Diad kabkabwasan ed ontombuk ya agew anengneng da a say talintao et atumba lamet a tikleb diad arap na Kaban na Sipanan. Nakal natan so olo to tan saray taklay to, tan wala rad pasen a mamaarap ed puirta; atilak so kabalgan labat. (

1 Samuel 5:4 Iomraidhean Croise

Isaias 27:9

Balet napirdona labat iray kasalanan na Israel, no natemek a singa katemek na tisa iray baton altar a panangigalangan na saray pagano, tan no anggapoy natilak a tanda na diosan Asera odino altar a panagpoolay insinso.

Isaias 40:20

Say toon ag to nayarian ya ikanay pilak o balituk lapud kairapay bilay to, et pilien to lay kiew ya ag naboluk. Manaanap na marunong ya iskotur a manggawa na talintaon ag natumba.

Jeremias 10:11

Sikayo ran totoo nepeg yon ibagad sikara a saray diriyos ya ag da ginawa so tawen tan dalin, et naderal ira. Naandi ra ed anggan iner a pasen diad tapew na dalin.)

Jeremias 10:14

Diad pakanengneng ed saraya, nabirbir na amin a totoo a makulang-kulang tan anggapoy pakatalus da; balang platiro naeekalay ilalo ed saray talintao to, ta tila-tilan diriyos iray gagawaen da; anggapoy bilay da.

Jeremias 10:15

Andi-kakanaan ira, tan kanepegan day balawen; naderal ira no onsabin maneral ed sikara so Katawan.

Jeremias 50:2

“Ibagam ed saray bansa so balita! Ibawag mo! Iparontal moy tanda, tan ibandom so balita! Ag mo iyaamut! Naplag so Babilonia! Say dios ton Merodac et naplag ed kababaingan! Mabambanday so asumpalan da ray talintaoy diriyos na Babilonia; atemek-temek iray makapaingungot a talintao to.

Daniel 11:8

Awiten tod Egipto iray talintaoy diriyos da tan saray kagawaan a balituk tan pilak a nisaklang ed saraman a diriyos. Kalabas na pigaran taon a walay kareenan ed kaliber-liber

Mikias 1:7

Namisimisid kibasig-basig ya amin iray mabmablin talintao to, natemek ed apoy ya amin iray bengatlan niiter ed saray marotak a lalaki tan bibiid timplo, tan nagawan bunton na deral-deral iray imahin to. Amin da ray bengatlan atipon na Samaria lapud impangigalang ed saray diriyos a makapabona, kanyan saray kalaban ibatik da ran amin ed arum a pasen, ta ikana da rad arum a pasen para saray marotak a lalaki tan bibii ed timplo.”

1 Samuel 6:5

Nakaukolan a manggawa kayo na sarayan balituk a pelsa tan balituk ya otut a mandederal ed bansa yo, tan pagalangan yoy Dios na Israel. Itonda to angangko so panudusa tod sikayo, saray diriyos yo, tan say dalin yo.