1 Samuel 4:3 - Maung A Balita Biblia

³ Nen pinmawil ed kampo iray ag apatey ed bakal, inkuan na saray pangulod Israel, “Akin et inyabuloy na Katawan a taloen itayo natan na saray Filisteo? Tila ta alaen tayod Silo so Kaban na Sipanan na Katawan, pian milad sikatayo so Katawan tan iyagel to itayod saray kalaban tayo.”

Maung a Balita Biblia

³ Nen pinmawil ed kampo iray ag apatey ed bakal, inkuan na saray pangulod Israel, Akin et inyabuloy na Katawan a taloen itayo natan na saray Filisteo? Tila ta alaen tayod Silo so Kaban na Sipanan na Katawan, pian milad sikatayo so Katawan tan iyagel to itayod saray kalaban tayo.

1 Samuel 4:3 Iomraidhean Croise

2 Samuel 15:25

Insan inkuan na ari ed kinen Sadoc, “Ipawil mo lad siudad so Kaban na Sipanan. No maung so linawa na Katawan ed siak, papawilen to ak a nengnengen ko tan say pasen a kawalaan to.

1 Saray Awaran 17:1

Manaayam la natan si Ari David ed palasio to. Aminsan impaawit toy propita. Natan tan kuantod sikato, “Wadya ak a manaayam ed abung a sidro, balet say Kaban na Sipanan na Katawan et akasinup labat ed dalem na sakey a tulda!”

Saray Salmo 74:1

O Dios, akin et onyay impangikaindan mod sikami? Ag manganggay pasnuk mod saray dilin totoom?

Saray Salmo 74:11

Akin et ag mo labay a tulongan kami? Akin et mantantanyareg ka labat?

Isaias 50:1

Say Katawan kuanto, “Abaloan yo amon pinataynan ko ray totook a singa sakey a lakin angisian na asawa to? Kawalaan sirin na saray kasulatan na impansian? Abaloan yo amon inlako ta kayo ed inkadakep a singa sakey a too ya inlako ton aripen iray anak to? Andi, adakep kayod arawi lapud saray kasalanan yo; apataynan kayod arawi lapud saray kaogsan a ginagawa yo.

Isaias 58:3

Tepet na saray totoo, “Akin et manayuno kami no ag lamlamang imanoen na Katawan so panayuno mi? Akin et manayuno kami anta ag met lamlamang imanoen na Katawan so ag mi pangan?” Say Katawan kuantod sikara, “Say katwaan to ibabansag yod panagayuno yo so panggagawa yoy pankaabigan yon dili tan say pamapairap yod saray kumikimey yo.

Isaias 59:1

Ag yo nununoten a say Katawan et makapoy, kanyan ag to kayo nilaban odino telek, kanyan ag to kayo narengel no onkerew kayoy tulong!

Isaias 59:2

Saray kasalanan yo so makasengeg na ag to idengel ed sikayo. Saray kasalanan yo so mamapasian ed sikayo ed Dios no mangigalang kayod sikato.

Jeremias 3:16

Insan no nagmaliw lan ag nabilang so kinarakel yo ed saman a dalin, ag la salitaen na saray totoo so nipaakar ed Kaban na Sipanan ko. Ag da la nunoten so nipaakar ed Kaban na Sipanan, odino nanunotan; ag da la anggan nakaukolan, odino manggawa na sananey.

Jeremias 7:4

Tondaan yo lay panagmatalek yod managpalikdon balikas, ‘Arawi kamid kaatapan! Sikato yay Timplo na Katawan, sikato yay Timplo na Katawan, sikato yay Timplo na Katawan!’

Saray Bilang 10:33

Nen tinaynan na saray totoo so Sinai a mansanton palandey, nanakar iran taloy agew. Wala lawas ed onaan da imay Kaban na Sipanan na Katawan a mananap na pasen a pankampuan da.

Saray Bilang 10:35

Kapag ompikal imay Kaban na Sipanan, ikuanen Moises, “Alagey ka pa, Katawan; itaytayak mo pa ray kalaban mo tan pabatik mo ray mamobosul ed sika.”

Saray Bilang 31:6

Si Moises imbaki to ran mibakal diad panangipangulo nen Finees a lakin anak nen Eleazar a pari, tan sikatoy makaoley ed saray masanton bengatla tan saray trumpita a mangiter na saray tanda.

Deuteronomio 29:24

Insan amin da ray totood intiron mundo tepeten da, ‘Akin et ginawa ya na Katawan ed dalin da? Antoy makasengeg a mapalaloy pasnuk to?

Deuteronomio 31:26

“Ala yo yan libro na Ganggan na Dios tan iyan yod abay na Kaban na Sipanan na Katawan a Dios yo, pian mansiansiad man a sakey a tasin sumpad saray totoo to.

2 Timoteo 3:5

Singa ra rilihiosa, balet ag nanengneng ed panagbilay da so pakayariy rilihion. Arawian mo ra yan klasiy totoo.

Saray Hebreo 9:4

Dia so kawalaay balituk ya altar a panagpoolay insinso; diman met so kawalaay kaban na sipanan a binalkut ya intiro na balituk. Walad loob na kaban so balituk a banga ya anginay mana, say nansimit a bastun nen Aaron, tan saray duaran tapyak a baton angisulatan na saray ganggan.

Josue 4:7

ibaga yod sikara a tinmondan onagos so danum na Jordan nen imbaliw diman so Kaban na Sipanan na Katawan. Saratan a bato et mangipanunot lawas ed saray totood Israel na nipaakar ed agawa dia.”

Josue 6:6

Tinawag nen Josue iray papari tan inkuantod sikara, “Sakbat yoy Kaban na Sipanan, tan pitorad sikayo so manayam ed arap to a sankaawit da ray trumpita.”

Josue 7:7

Insan inkuanen Josue, “Katawan a Dios, akin et pinabaliw mo kami ni ed Jordan? Pian nipalima mo kami ed saray Amorreo? Pian napatey mo kami? Akin et ag kami labat la nanayam diman ed basil na Jordan?

Josue 7:8

Anto kasiy nibagak, O Katawan, natan a sinmener so Israel ed saray kalaban to?

1 Pedro 3:21

Sayan danum aliling toy binyag a mangilaban ed sikayo natan. Say binyag et aliwan panlinis na dotak na laman, no ag ingen say sipan ed Dios a nanlapud sakey a malinis a konsinsia. Ilaban kayoy binyag diad panamegley na inkiolid bilay nen Jesu-Cristo,

Judas 1:5

Anggaman a kabat yo la ya, labay kon ipanunot nid sikayo no panoy impangilaban na Katawan ed saray totood Israel diad impangipaway tod sikara ed Egipto, balet kayari to ya, dineral to ray ag anisiad sikato.

1 Samuel 1:24

Nen apakso to lay ogaw, inyakar tod Silo. Nanawit na taloy taon a bakan kalakyan, sakey salup ya arina, tan sakey a pananginan a katat a napnoy alak. Ogaw ni sirin si Samuel nen inawit nen ina to ed abung na Katawan diad Silo.

1 Samuel 14:18

“Awit yo dia may ipod” kuanen Saul ed kinen Ahias a pari. (Diad saman ya agew sankaawit nen Ahias ed onaan da ray Israelita.)

1 Samuel 4:2

Dinmogpa ray Filisteo, tan kayariy pinasyan laban, tinalo da ray Israelita tan pinatey dad lawak na bakalan so sakey ya apat a libon lalaki.