1 Samuel 4:17 - Maung A Balita Biblia

¹⁷ Inmebat may mangibabalita, “Imbatikan na saray Israelita iray Filisteo; agaylay inkatalo tayo! Apatey met iray lalakin anak mo a di Ofni tan Finees, tan asamsam so Kaban na Sipanan!”

Maung a Balita Biblia

¹⁷ Inmebat may mangibabalita, Imbatikan na saray Israelita iray Filisteo; agaylay inkatalo tayo! Apatey met iray lalakin anak mo a di Ofni tan Finees, tan asamsam so Kaban na Sipanan!

1 Samuel 4:17 Iomraidhean Croise

Saray Salmo 78:61

Inyabuloy ton nadakep na saray kalaban mi so Kaban na Sipanan, say tanda na pakayari tan kagalangan to.

Saray Salmo 78:64

Inatey iray papari ra diad panamegley na ispada, tan ag naabuloyan a lamayan ira na kaasawaan da.

1 Samuel 2:34

No saray duaran lalakin anak mo a di Ofni tan Finees et ompatey irad saksakey ya agew, mangipanengneng yad sika ya ontua ray amin ya imbagak.

1 Samuel 3:11

Inkuan na Katawan ed sikato, “Onsabiy agew a walay gawaen kod saray totood Israel, et siopamay makadngel na nipaakar ed saya ombegas so bago tod takot to.

1 Samuel 3:12

Diad satan ya agew gawaen ko, manlapud gapo ya anggad samput, iray amin ya imbagak sumpad pamilya nen Eli.

1 Samuel 4:16

Inkuan na samay too, “Akapaliis ak manlapud lawak na bakalan tan ag ak tinmondan binmatik ya angga dia, diad sayan agew.” Tinepet nen Eli ed sikato, “Antoy agawa, anak ko?”

1 Samuel 4:18

Nen asalita na samay too so Kaban na Sipanan na Dios, abalintuag si Eli manlapud yorungan to diad abay na puirta. Masikesiken la tan mataba-taba, kanyan apoter so tenger to, tan inatey. Apataploy taon a sikatoy pangulo na Israel.