1 Samuel 4:10 - Maung A Balita Biblia

¹⁰ Akilaban iray Filisteo; atalo ray Israelita tan kibatiktik irad kaabungan da. Amayamay a maung so inaatey: talomplon libon Israelitan sondalo so inaatey.

Maung a Balita Biblia

¹⁰ Akilaban iray Filisteo; atalo ray Israelita tan kibatiktik irad kaabungan da. Amayamay a maung so inaatey: talomplon libon Israelitan sondalo so inaatey.

1 Samuel 4:10 Iomraidhean Croise

2 Samuel 18:17

Inala ray bangkay nen Absalom, impelag dad aralem a bobun ed takel, insan da tinabunan na saray bato. Amin ya Israelita batik ed kaabungan da.

2 Samuel 18:7

Tinalo na saray totoo nen David iray Israelita; diad ontan lan inkatalo ra duamplon libod sikara so inatey ed saman ya agew.

2 Samuel 19:8

Insan inmalagey so ari, linma tan inmirung ed abay na puirtay siudad. Nadngelan na saray totoo to a wadman, kanyan inmasingger irad sikato. Legan to ya, batik iray amin ya Israelita, tan nagsisempet irad kaabungan da.

2 Samuel 20:1

Nibanan wadman ed Gilgal so sakey a toon andi-kakanaan a si Seba a lakin anak nen Bicri, tan kabyangan na tribu nen Benjamin. Pinaknul toy trumpita tan ineyag to, “Anggapoy pibabali mid kinen David ya anak nen Jesse. Ag kami ontombuk ed sikato! Lalakin taga Israel, onsempet ti la!”

1 Saray Arari 12:16

Nen abirbir na saray totoo ya ag ira dengelen na ari, inmeyag ira, “Anggapo lay pibibiang tayod kinen David tan say pamilya to. Antoy ginawa ran para sikatayo? Totood Israel, onsempet ti la! Akaoley lad sikaton dili si Roboam!” Kanyan sinmempet lan amin iray totood Israel.

1 Saray Arari 22:36

Nen onlalabi la niganggan ed saray sondalo na Israelita, “Onsempet lay balang sakey a laki ed dilin bansa tan siudad to!”

2 Saray Arari 14:12

Atalo iray sondalo nen Amasias, kanyan batik iran amin a sinmempet.

2 Saray Awaran 13:17

Mapalaloy impanalo nen Abiam tan saray sondalo to ed saray taga Israel—liman lasus libo a sankamaungan a sondalo na Israel iray inaatey.

2 Saray Awaran 25:22

Atalo ray sondalo na Juda tan kibatiktik iran sinmempet.

Saray Salmo 78:9

Saray kabyangay boleg nen Efraim, a say armas da et saray pana, et kibatiktik ira nen agew na bakal.

Jeremias 7:12

Laka yod Silo, say inmonan pasen a pinilik a pangigalangan ed siak, tan nengneng yo no antoy ginawak ed sikato lapud saray kaogsan na saray totook ya Israel.

Levitico 26:17

Sumlangen ta kayo pian natalo kayo; oleyan kayo na saray kalaban yo tan diad ontan lan kataktakot yo ombatik kayo anggan anggapoy mangoosil ed sikayo.

Deuteronomio 28:15

“Balet no sumlangen yoy Katawan a Dios yo tan ag yo onuren iray amin a ganggan tan saray bilin to ya iiter tod sikayo natad sayan agew, amin da ra yan samba et nagawad sikayo:

Deuteronomio 28:25

“Say Katawan ipatalo to kayod saray kalaban yo. Dogpaan yo rad sakey a dapag balet ibatikan yo rad amin a dapag, et diad ontan ontakot iray amin a katoowan ed intiron mundo no nanengneng day nagawad sikayo.

1 Samuel 3:11

Inkuan na Katawan ed sikato, “Onsabiy agew a walay gawaen kod saray totood Israel, et siopamay makadngel na nipaakar ed saya ombegas so bago tod takot to.

1 Samuel 4:2

Dinmogpa ray Filisteo, tan kayariy pinasyan laban, tinalo da ray Israelita tan pinatey dad lawak na bakalan so sakey ya apat a libon lalaki.