1 Samuel 31:6 - Maung A Balita Biblia

⁶ Onyay impatey nen Saul, saray taloran anak ton lalaki, tan samay balolaki; diad saman ya agew inaatey iray amin a totoo nen Saul.

Maung a Balita Biblia

⁶ Onyay impatey nen Saul, saray taloran anak ton lalaki, tan samay balolaki; diad saman ya agew inaatey iray amin a totoo nen Saul.

1 Samuel 31:6 Iomraidhean Croise

2 Samuel 1:1

Kayariy impatey nen Saul, amawil si David kasumpal ton tinalo ray Amalecita tan nanayam ed Siclag na duay agew.

2 Samuel 1:12

Nanermen tan nanakis ira, tan nanayuno ra ya anggad labi para si Saul tan si Jonatan, tan para saray Israelita a totoo na Katawan, ta amayamay ed sikaray inatey ed bakal.

1 Saray Awaran 10:6

Onyay impatey nen Saul, tan saray taloran anak to; kanyan tinmonda met lay panoley nen Saul tan say pamilya to.

Saray Huis 9:54

Insan to tinawag a tampol so tobun-balon umaawit na saray armas to tan kuantod sikato, “Bagut moy ispadam, ta patey mo ak. Ag ko labay a nibagan sakey a bii so amatey ed siak.” Kanyan dinoyuk na samay tobun-balo si Abimelec, et inatey.

1 Samuel 11:15

Linma ra sirin ya amin ed Gilgal, tan diad masanton pasen imbawag dan ari si Saul. Angisaklang ira na saray bagat a para kareenan, tan nanliket na baleg ed sayan agawa si Saul tan amin da ray totood Israel.

1 Samuel 12:17

Tiagew ed natan, anto? Balet mampikasi ak, et say Katawan pakarulen tan paoranen to. No nagawa ya, nabirbir yon nanggawa kayoy baleg a kasalanan ed Katawan nen kinmerew kayod sikato na sakey ya ari.”

1 Samuel 12:25

Balet no itoluy yoy mankasalanan, napatey kayo tan say ari yo.”

1 Samuel 26:10

Diad ngaran na mabilay a Katawan,” kuanen David ya intoluy, “Amtak a say dilin Katawan so mamatey ed kinen Saul, diad isabi na agew na ipatey ton bukor o diad ipatey tod bakal.

1 Samuel 28:19

Ipalima to ka tan say Israel ed Filistia. Nabwas sika tan say anak mo et mitipon kayod siak, tan ipalima met na Katawan ed Filistia iray sondalo na Israel.”

1 Samuel 31:5

Nen anengneng na samay balolaki ya inatey lay Saul, intakba to met so laman to ed dilin ispada to, et inatey a kaiba toy Saul.

1 Samuel 31:7

Nen saray Israelitan manaayam ed biek a dapag na Patar na Jezreel tan bokig na Ilog na Jordan et nadngelan dan kibatiktik iray sondalo na Israel tan apatey si Saul tan saray anak ton lalaki, tinaynanan da ray baley da. Insan sinmabi ray Filisteo tan nanayam irad saraman a baley.