1 Samuel 30:8 - Maung A Balita Biblia

⁸ Tinepet nen David ed Katawan, “Osilan ko ray dinmogpa? Naabot ko ni ra kasi?” Inmebat so Katawan, “Osilan mo ra: andi-duaruwan naabot mo ra tan nabawim iray adakep.”

Maung a Balita Biblia

⁸ Tinepet nen David ed KATAWAN, Osilan ko ray dinmogpa? Naabot ko ni ra kasi? Inmebat so KATAWAN, Osilan mo ra: andi-duaruwan naabot mo ra tan nabawim iray adakep.

1 Samuel 30:8 Iomraidhean Croise

Genesis 14:16

tan abawi to ray amin ya asamsam da. Abawi to met si Lot tan saray kayaryan to, pati saray bibii tan arum ni ran totoon adakep.

2 Samuel 5:19

Tinepet nen David ed Katawan, “Dogpaan ko ray Filisteo? Panaloen mo ak kasi?” Inmebat so Katawan, “On, dogpaan mo ra! Panaloen ta ka!”

2 Samuel 5:23

Impanon lamet nen David ed Katawan, et say Katawan inmebat, “Ag ka dia manlalapu no dogpaan mo ra. Saliberber ka tan dogpa kan manlapud biek a dapag, diad abay na saray kiew a balsamo.

Saray Salmo 50:15

Tawag kayod siak no onsabiy gunigon; ilaban ta kayo, et idayew yo ak.”

Saray Salmo 91:15

No ontawag irad siak ebatan ko ra; no wala rad gunigon ibaan ko ra. Iyagel tan pagalangan ko ra.

Exodo 15:9

Say kalaban kuanto, ‘Osilan ko ra tan erelen ko ra; apagen koy kayamanan da tan alaen koy amin a labay ko; baguten koy ispadak tan alaen koy amin a kayaryan da.’

Saray Bilang 27:21

Diad kinen Eleazar a pari, diad pangikana to na Urim tan Tummim so pakaamtaan toy linawak. Onya so pangiwanwan nen Eleazar ed kinen Josue tan amin ya Israelita diad amin a gawaen da.”

Saray Huis 20:18

Linmad pasen a panangigalangan diad Betel iray Israelita, tan tinepet dad man ed Dios, “Dinan a tribu so ononan ondogpad saray Benjaminita?” Say Katawan inmebat, “Say tribu nen Juda.”

Saray Huis 8:4

Diad sayan oras abaliw la nen Gedeon tan saramay talon lasus a totoo to so Ilog na Jordan. Makapkapoy la ra, balet oosilan da ni ray kalaban da.

1 Samuel 10:22

tinepet dad Katawan, “Wala niy arum?” Inmebat so Katawan, “Wadmay Saul, onaamut ed kawalaay abasto.”

1 Samuel 14:37

Kanyan tinepet nen Saul ed Dios, “Dogpaan ko ra kasiy Filisteo? Panaloen mo kami kasi ed sikara?” Balet ag inmebat so Dios ed saman ya agew.

1 Samuel 23:2

Kanyan tinepet tod Katawan, “Laen kon dogpaan iray Filisteo?” “On,” ebat na Katawan. “Dogpaan mo ra tan iyagel moy Keila.”

1 Samuel 23:4

Kanyan impanon lamet nen David ed Katawan, tan imbagay Katawan ed sikato, “Lakad Keila tan dogpaan mo ray Filisteo ta panaloen ta kad sikara.”

1 Samuel 28:6

kanyan tinepet tod Katawan no antoy gawaen to. Balet ag balut inebatan na Katawan, diad panamegley na kogip, odino diad panamegley na Urim tan Tummim, odino diad panamegley na saray propita.

1 Samuel 30:18

Abawi nen David ya amin iray sinamsam na saray Amalecita, pati saray duaran asawa to.

1 Samuel 30:19

Anggapon balut so naandi; abawi nen David ya amin iray lalaki tan bibiin anak na saray totoo to, tan amin a bengatlan sinamsam na saray Amalecita.