1 Samuel 30:6 - Maung A Balita Biblia

⁶ Agunigon a maung si David, ta ansakit a maung so linawa da ray totoo to lapud inkabalang na saray anak da, tan pantotongtongan da lan tupaken. Balet pinabiskeg na Katawan a Dios to so linawa to.

Maung a Balita Biblia

⁶ Agunigon a maung si David, ta ansakit a maung so linawa da ray totoo to lapud inkabalang na saray anak da, tan pantotongtongan da lan tupaken. Balet pinabiskeg na KATAWAN a Dios to so linawa to.

1 Samuel 30:6 Iomraidhean Croise

Genesis 32:7

Ataktakot tan agunigon si Jacob. Impankadwa to ray totoon kaiba to, saray karniro, kanding, baka, tan saray kamilyo.

2 Samuel 17:8

Amtam a si amam a David tan saray totoo to et maung iran mibakal; masebeg iran singa uson kabatyan ya imbatik iray anak to. Likud nid saya, abayag lan mibabakal si amam, kanyan no labi ag onoogip a kaiba to ray totoo to.

2 Saray Arari 4:27

balet kasabi tod kinen Eliseo dinmakmomod arap to tan binembenan tod sali. Ipolisay lawari nen Giezi, balet inkuanen Eliseo, “Paolyan mo labat. Ag mo nanenengneng a maerermen? Ag ni ya imbaga ed siak na Katawan.”

Say Libro nen Job 13:15

Nakal lamlamang so ilalok, kanyan anggapoy wala ed siak anggan pateyen ak na Dios. Isangsang kon siansia so katonungan ko ed arap to.

Saray Salmo 116:10

Siansian manisia ak, anggan nen inkuanko, “Mapalaloy paniirap ko,”

Saray Salmo 138:3

Inebatan mo ak nen tinmawag ak ed sika; pinabiskeg mo ak na pakayarim.

Saray Salmo 18:2

Say Katawan so manangilaban ko; sikatoy mabiskeg a tirinsirak. Say Dios ko so manangyagel ko; tan no kaibak anggapoy pagpagak. Sikatoy singa samper a manasanib ed siak; iyaagel to ak tan iyaarawi to ak ed kaatapan.

Saray Salmo 18:6

Nen asabian ak na segsegang, tinmawag ak ed Katawan; kinmerew ak ed Dios ko na tulong to. Diad timplo to dinengel toy bosis ko; dinengel toy ikekerew koy tulong.

Saray Salmo 25:17

Ekal mo pa ray pagpagak, tan agwat mo ak ed saray gunigon ko.

Saray Salmo 27:14

Manmatalek kad Katawan. Mampabiskeg ka, pakpel moy linawam. On, manmatalek kad Katawan.

Saray Salmo 31:24

Mampabiskeg kayo tan mampakasil kayoy linawa, amin yon maniilalod Katawan.

Saray Salmo 42:11

Akin et onya lay paneermen ko? Akin et mapalaloy kagugunigon ko? Say Dios so panilaloan ko, tan sikato lamet so idayew ko, say manangilaban ko tan Dios ko.

Saray Salmo 42:5

Akin et onya lay paneermen ko? Akin et mapalaloy kagugunigon ko? Say Dios so panilaloan ko, tan sikato lamet so idayew ko, say manangilaban ko tan Dios ko.

Saray Salmo 56:11

Manmamatalek ak ed sikato, kanyan anggapoy takot ko. Antoy nagawaan ed siak na too?

Saray Salmo 62:1

Aanosan kon aalagarey pangilaban na Dios ed siak; sikato labat so panmamatalkan ko.

Saray Salmo 62:5

Say Dios labat so panmamatalkan ko; sikatoy paniilaloan ko.

Saray Salmo 71:4

O Dios ko, iyagel mo ak pad saray totoon maoges, diad pakayari da ray maruksa tan totoon maoges.

Saray Salmo 71:5

Katawad a Dios, sikay paniilaloan ko; nanlapud impanbalolakik, sikay panmamatalkan ko.

Exodo 17:4

Masimoon a nampikasid Katawan si Moises tan kuanto, “Anto kasiy nagawaan kod sarayan totoo? Ngalngali da ak la tupaken.”

Probirbio 18:10

Say Katawan et singa mabiskeg a torin nasalimbengan na saray totoon matonung, pian niarawi rad kaatapan.

Isaias 25:4

Sinmingger ed sika iray mairap-bilay tan saray walad pankaukolan, et niarawi rad kaatapan ed panaoy gunigon. Iitdan mo ray salimbeng no panaoy bagyo tan say siruman no mapalaloy petang. Saray maruksan totoo ondodogpa ran singa bagyo no panaoy ambetel,

Jeremias 16:19

Katawan, sika so mangyaagel ed siak, tan mangiiter na biskeg ko; tutulongan mo ak no panaon na gunigon. Onlad sika ray bansan nanlapud nandoroman sokung na mundo tan ikuanda, “Tila-tilan diriyos labat so walad saray lalaki mi; anggapo lay arum no ag ta saray andi-kakanaan a talintaoy diriyos.

Jonas 2:2

“Diad kaermenan ko, O Katawan, tinmawag ak ed sika, et inebatan mo ak. Manlapud dalem na pasen a panaayaman da ray inaatey tinmawag ak a kinmerew na tulong, et dinengel mo ak.

Saray Bilang 14:10

Dawitdawit da la ran tupaken, balet kabebekta anengneng na saray totoo so kagalangan na Katawan a pinmatnag ed tagey na Tulda.

Mateo 21:9

Ineeyag na saray totoon walad onaan tan saray walad onur nen Jesus, “Hosanna ed Anak nen David! Bindisionan komuy Dios so onla dia ed ngaray Katawan! Nagalang komuy Dios a Sankatageyan!”

Mateo 27:22

Inkuanen Pilato, “Anto sirin so gawaen kod kinen Jesus a tatawagey Cristo?” “Paipasak mod krus!” inebat dan amin.

Juan 8:59

Lapud saya, nandokdok iray baton panupak dad kinen Jesus, balet sinmanib insan la pinmaway ed Timplo tan tinmaynan.

Saray Taga Roma 4:18

Anggaman ya anggapo lay ilalo nen Abraham a makailalak, anisia tan nanilalo ni a sikatoy magmaliw ya ama na amayamay a bansa. Onung na inkuay Dios ed sikato tan walad Masanton Sulat, “Singa karakel na bitewen iray kabyangay boleg mo naani.”

Saray Taga Roma 4:20

Ag to nanduaruwaan so sipay Dios, no ag ingen binmiskeg so pananisia to tan inggalang toy Dios.

Saray Taga Roma 8:31

Anto niy nibaga tayo nipaakar ed saya? No say Dios et kaiba tayo, siopay makasumlang ed sikatayo?

2 CORINTO 1:6

No manirap kami, sikatoy pakaligliwaan tan pakailabanan yo; no naligliwa kami, naligliwa kayo met tan ombiskeg kayo, pian naanosan yon sakbaten so kairapan a liliknaen yo, a singa liliknaen mi.

2 CORINTO 4:8

Biek-ta-biek so pakagogoloan mi, balet ag kami natalo; no maminsan manduaruwa kami, balet ag kami nanaekalay ilalo.

2 CORINTO 7:5

Anggan nen kasabi mid Macedonia, ag kamin balut akapainawa, lapud biekta-biek iray kairapan mi; wala ray kolkolan tan mapaga ray puso mi.

Saray Hebreo 13:6

Kanyan manmatalek tayon mangikuan, “Say Katawan so mananulong ko, ag ak ontakot! Antoy nagawaan ed siak na too?”

Saray Huis 18:25

Inkuandad kinen Micaya, “Maung lay mandeen ka nen say makapasnuk ira yay lalaki dia, et dogpaan da ka. Andi-saew a nasaplut kayon sankapamilyaan.”

Saray Huis 20:22

Insan linmad pasen a panangigalangan iray Israelita tan nanermen irad arap na Katawan ya anggad labi. Tinepet dad sikato, “Onla kami lamet a mibakal ed saray agagi min Benjaminita?” Inmebat so Katawan, “On.” Lapud sayan ebat binmiskeg so linawa da ra may Israelita, kanyan inlira ra lamet ed pasen ya angiliraan day sikaran dili nen imbeneg ya agew.

1 Samuel 23:16

Nilad man nen Jonatan, pinabiskeg toy linawa to tan impanonut to ya ag paolyan na Dios.

1 Samuel 28:15

Inkuanen Samuel ed kinen Saul, “Akin et sinigensigen mo ak? Akin et pinapawil mo ak?” Inmebat si Saul, “Nagugunigonan ak a maung! Babakalen ak na saray Filisteo, tan inkaindan ak na Dios. Ag to ak la ebatan a balut, diad panamegley na saray propita, o diad saray kogip. Kanyan tinawag ta kan mangibagad siak no antoy nepeg kon gawaen.”