1 Samuel 30:26 - Maung A Balita Biblia

²⁶ Nen pinmawil ed Siclag si David, impawitan to ray kakaaro to, saray panguloy Juda, na saray asamsam tan impaibaga to, “Niay panangarok ed sikayo; kabyangan ya na saray asamsam mid saray kalaban na Katawan.”

Maung a Balita Biblia

²⁶ Nen pinmawil ed Siclag si David, impawitan to ray kakaaro to, saray panguloy Juda, na saray asamsam tan impaibaga to, Niay panangarok ed sikayo; kabyangan ya na saray asamsam mid saray kalaban na KATAWAN.

1 Samuel 30:26 Iomraidhean Croise

Genesis 33:11

Awat mo kariy panangarok ya awit kon para sika, kinasian ak na Dios, ta inter ton amin iray nakaukolan ko.” Ag to tinondaan ya anggad inawat nen Esau ira may rigalo.

2 Samuel 1:1

Kayariy impatey nen Saul, amawil si David kasumpal ton tinalo ray Amalecita tan nanayam ed Siclag na duay agew.

2 Saray Arari 5:15

Kaiba ton amin iray totoo to nen pinmawil ed kinen Eliseo tan kuanto, “Amtak la natan ya anggapo lay arum a dios no ag say Dios na Israel, kanyan awat mo pa labat yay awit kon rigalod sika.”

Saray Salmo 35:27

Saray mampipilalek a napaneknekan ya anggapoy kasalanan ko et oneyag ira komun ed liket tan ikuandan naynay, “Matalonggaring so Katawan! Maliket ed inyaligwas na aripen to.”

Saray Salmo 68:18

Onkakalab ed saray atagey a pasen, a sankaawit to ray amayamay a priso; mangaawat na saray rigalo da ray totoon mananumpa. Manayam diman so Dios a Katawan!

Isaias 32:8

Balet say toon walay kagalangan matonung iray gawa to tan malet a tatalindegan toy kaptekan.

2 CORINTO 9:5

Lapud saya, ninunot kon nakaukolan a kerewen ed sarayan agagi ya onona ran onlad tan, pian niparaan da lay insipan yon tulong. Akaparaan lad satan no onsabi ak ditan; nipanengneng ed saya a mangiiter kayo onung na bolus na linawa, aliwan lapud napapasootan kayo.

1 Samuel 18:17

Insan inkuanen Saul ed kinen David, “Niay Merab, say anak kon sankapangulowanan a bii. Iter kod sikan asawaen mo, dapot no masebeg tan matoor kan sondalo a manlingkur ed siak, tan milaban kad saray bakal na Katawan.” (Ginawa ya nen Saul, ta abaloan ton diad onya napatey na saray Filisteo si David, et aliwa lan sikaton dili so mamatey.)

1 Samuel 25:27

Kanyan awat mo pa yay panangaron awit ko a para sika, tan iter mod saray totoom.

1 Samuel 25:28

Pirdona mo ak pa, no wala bilang so maoges a ginawak. Say Katawan gawaen to kan ari, tan anggan saray kabyangay boleg mo, ta milalaban kad saray bakal na Katawan; ag ka manggaway kaogsan legay pambilay mo.

1 Samuel 30:20

Abawi to met ya amin iray baka tan karniro; saray totoo to dinadagdag da ran amin tan kuanda, “Kayaryan nen David ira ya!”

1 Samuel 30:25

Ginawa nen David yan totontonen et anggad natan, totombuken ni ya na saray Israelita.