1 Samuel 30:23 - Maung A Balita Biblia

²³ Balet inmebat si David, “Agagik ira, ag yo ya nayarin gawaen ed saray inter na Katawan ed sikatayo! Inyarawi to tayod kaatapan tan impanalo to itayod saray dinmogpa.

Maung a Balita Biblia

²³ Balet inmebat si David, Agagik ira, ag yo ya nayarin gawaen ed saray inter na KATAWAN ed sikatayo! Inyarawi to tayod kaatapan tan impanalo to itayod saray dinmogpa.

1 Samuel 30:23 Iomraidhean Croise

Genesis 19:7

Inkuantod sikara, “Agagi, kerewen kod sikayon ag yo komun gagawaen so ontan lan kaogsan.

Habacuc 1:16

Igagalang da ni ingen iray iket da tan mangibabagat irad sikara, lapud saray iket da so panlalapwan na saray sankaabigan a nakaukolan dad bilay.

Saray Gawgawa 22:1

“Atateng tan agagi, dengel yo pay ibagak a pangyagel koy laman kon dili!”

Saray Gawgawa 7:2

Inmebat si Esteban, “Atateng tan agagi, dengel kayod ibagak. Nampanengneng so mapagalang tan makapanyarin Dios ed ama tayon si Abraham nen wala nid Mesopotamia, kasakbayan a manayam ed Haran.

Deuteronomio 8:10

Walad may amin a labay yon kanen, tan misalamat kayod Katawan a Dios yo lapud saman a mataban dalin ya inter tod sikayo.

Deuteronomio 8:17

Kanyan sirin, ag yon balut iisipen a minmayaman kayo lapud biskeg tan pakayari yon dili.

Deuteronomio 8:18

Nunot yo a say Katawan a Dios yo so angiter ed sikayo na pakayari a mampayaman. Onyay gagawaen to lapud niy matoor ya anggad natan ed samay impisipanan tod saray lalaki yo.

Saray Huis 19:23

Balet pinmaway imay masiken tan kuantod sikara, “Aleg, kakaaro! Ag yo kari gagawaen itan a maoges tan mabanday a bengatla! Sangkailik yan tooy wadya.

1 Samuel 2:7

Pagmaliwen ton mairap-bilay iray arum tan mayaman iray arum; paabebaen tod kipapasen iray arum tan paatageyen to ray arum.

1 Samuel 30:22

Balet inkuan na saray maoges tan andi-kakanaan a totoon akilad kinen David, “Ag ira akilad sikatayo, kanyan ag ti ra itdan na antokaman ya asamsam. Alaen da labat iray kaasawaan da tan saray anak da tan onla la ra.”

1 Samuel 30:24

Anggapoy onabuloy ed satay ibabaga yo! Nepeg a panaapagan yoy betang na balang sakey. Namparay betang na saray ontilak a nambantay na abasto tan saray onlan mibakal.”

1 Samuel 30:8

Tinepet nen David ed Katawan, “Osilan ko ray dinmogpa? Naabot ko ni ra kasi?” Inmebat so Katawan, “Osilan mo ra: andi-duaruwan naabot mo ra tan nabawim iray adakep.”