1 Samuel 3:19 - Maung A Balita Biblia

¹⁹ Legan ya ombabaleg si Samuel, walad sikatoy Katawan tan pinapatua to ray amin ya imbabaga nen Samuel.

Maung a Balita Biblia

¹⁹ Legan ya ombabaleg si Samuel, walad sikatoy Katawan tan pinapatua to ray amin ya imbabaga nen Samuel.

1 Samuel 3:19 Iomraidhean Croise

Genesis 21:22

Diad saman a panaon inawit nen Abimelec si Ficol a pangulo na saray sondalo to, linma rad kinen Abraham tan inkuanen Abimelec, “Walad sikay Dios ed antokaman a gagawaen mo.

Genesis 28:15

Ag mo lilingwanan a wala ak ed sika tan iyagel ta kad inerman a laen mo, tan ipawil ta kad sayan dalin. Ag ta ka taynan, anggad pakasumpal kon gawaen ya amin iray insipan kod sika.”

Genesis 39:2

Walad si Jose sa Katawan, kanyan maaligwas so bilay to. Nanayam ed abung na amo ton Egipsio.

Genesis 39:3

Anengneng na amo to a walad si Jose so Katawan, tan maung so pansusumpalay amin a gagawaen to.

1 Saray Arari 8:56

“Nadayew komun so Katawan ya angiter na kareenan ed saray totoo to, onung na insipan to. Sinumpal ton amin iray maabig ya insipan to diad panamegley na aripen ton si Moises.

2 Saray Arari 10:10

Saya so mamaneknek ya ontuan amin iray imbagay Katawan nipaakar ed saray kabyangay boleg nen Acab. Sinumpal na Katawan so insipan to diad panamegley nen propita ton Elias.”

2 Saray Arari 15:12

Kanyan asumpal imay sipan na Katawan ed kinen Ari Jehu: “Manari ed Israel iray boleg mo ya anggad kumapat a kailalakan.”

2 Saray Arari 22:16

sikatoy onggendan a salita na Katawan: “Dusaen koy Jerusalem tan amin da ray totoo to onung na nisulat ed libron binasa na ari.

Isaias 43:2

No ondalan kad aralem a danum, wala ak ed sika; ag ka natabunan na saray gunigon mo. No ondalan kad apoy, ag ka napoolan; ag ka napasakitan na saray ambelat a subok ya onsabid sika.

Isaias 44:26

Balet no walay ipasakbay na aripen ko, no walay ibakik a mangipaamta na saray planok gagawaen kon ontua ira man a pasakbay tan planok. Ibabagak ed Jerusalem a manayam lamet iray totood man, tan ibagak ed saray siudad na Juda a nipaalagey ira lamet. Onalagey lamet iray siudad ya aderal-deral.

Isaias 55:11

Ontan met so pagmaliwan na salitan ibabalikas ko— ag ompawil ed siak ya anggapoy agawaan to; sumpalen toy antokaman a ginetmak tan gawaen toy angibakian kon gawaen to.

Mateo 1:23

“Manlokun so sakey a birhin, tan mananak na laki a tawagen day Emmanuel” (a say labay ton ibaga: “Say Dios walad sikatayo”).

Lucas 1:28

Kasabi to may anghil ed kinen Maria inkuanto, “Manggayaga ka, ta pinalaboan kay Dios! Say Katawan walad sika!”

Lucas 1:80

Binmaleg imay ogaw tan binmiskeg so ispiritu to. Nanayam ed kalawakan ya anggad insabiy agew a pangiparontal toy sikaton dili ed saray totood Israel.

Lucas 2:40

Binmaleg imay ogaw tan nagmaliw a mabiskeg, napnoy kakabatan, tan inararoy Dios.

Lucas 2:52

Binmaleg si Jesus, binmaleg met so kakabatan to, tan say panangaroy Dios tan saray totoo ed sikato.

2 CORINTO 13:11

Salaya, agagi, tan mampatanir ak la. Panseetan yoy pagmaliw yon ayadyari, onur yo ray bangat ko, mankakasakey kayod kanunotan, tan mambilay kayon mareen. Diad ontan, say Dios na aro tan kareenan so niwalad sikayo.

Deuteronomio 18:22

No mansalitad ngaran na Katawan so sakey a propita balet ag ontuay salitaen to, ag nanlapud Katawan so salita to. Satan a propita et nansalita ed pakayari ton dili, kanyan nepeg ya ag yo takotan.

2 Timoteo 4:22

Niwala komun ed ispiritum so Katawan. Nawalaan kayo komuy bindision na Dios.

Josue 21:45

Sinumpal na Katawan iray amin ya insipan tod saray totood Israel.

Saray Huis 13:24

Nananak imay bii na sakey a laki tan inngaran to na Samson. Binmaleg imay ogaw tan binindisionan na Katawan.

1 Samuel 10:7

No nagawa ra ya, gawam so antokaman a pagawad sika na Dios.

1 Samuel 12:2

tan natan sikato lay mangiwanwan ed sikayo. Para say siak, masiken ak la tan ampoti lay buek ko, kanyan saray anak ko lay kaiba yo. Siak so pangulo yo nanlapud lad balolaki ak ya anggad natan.

1 Samuel 16:18

Inkuan na sakey ed saray managlingkur to, “Si Jesse a taga Betlehem et walay anak ton laki a maung a manogtog. Masebeg met tan guapon laki, maung a sondalo, tan maung a manalita. Walad sikato so Katawan.”

1 Samuel 18:12

Antakot si Saul ed kinen David, ta walad kinen David so Katawan a tinmaynan lad kinen Saul.

1 Samuel 18:14

tan maaligwas ed amin a ginawa to, ta walad sikato so Katawan.

1 Samuel 18:5

Si David analo ed amin a bakal ya angibakian nen Saul ed sikato, kanyan ginawa nen Saul a sakey ya opisyal na saray sondalo to. Akapaliket ya ed saray totoo nen Saul tan saray opisyal to.

1 Samuel 2:21

Binindisionan a tua na Katawan si Ana, tan akaanak ni na taloran lalaki tan duaran bibii. Binmaleg a manlilingkur ed Katawan si ogaw a Samuel.

1 Samuel 2:26

Binmaleg si ogaw a Samuel, tan binmaleg met so panangaroy Katawan tan saray totoo ed sikato.

1 Samuel 9:6

Inmebat imay aripen, “Alagar ka! Walay sakey a toon masanto ed sayan baley. Bibirbiren da yan too, ta ontutua ray amin ya ibabaga to. Laen ta, ta ag la pigan nibaga to no iner so pakalmoan tad saramay asno.”