1 Samuel 3:17 - Maung A Balita Biblia

¹⁷ “Antoy imbagay Katawan ed sika?” tepet nen Eli. “Ag mo komun iyaamut ed siak. Ambelat so panusay Dios ed sika no ag mo ibagad siak iray amin ya imbaga to.”

Maung a Balita Biblia

¹⁷ Antoy imbagay Katawan ed sika? tepet nen Eli. Ag mo komun iyaamut ed siak. Ambelat so panusay Dios ed sika no ag mo ibagad siak iray amin ya imbaga to.

1 Samuel 3:17 Iomraidhean Croise

2 Samuel 14:18

Inmebat so ari, “Tepetan ta ka, et ibagam ed siak so amin a katwaan.” “Mantepet ka, Kagalang kon Ari,” ebat to.

2 Samuel 19:13

Binilin met ira nen David ya ikuandad kinen Amasa, “Kanayon ta ka. Manlapud natan, salatan moy Joab a pangulo na saray sondalo. Pateyen ak komun na Dios no ag ko ya gawaen!”

2 Samuel 3:35

Sanagew a tatangguyoren na saray totoo si David a mangan, balet sinambaan to, “Pateyen ak komun na Dios no mangan ak na antokaman kasakbayan ya onselek so agew!”

2 Samuel 3:9

Insipan na Katawan ed kinen David ya ekalen toy nanarian ed kinen Saul tan saray kabyangay boleg to, insan to gawaen ya ari si David ed Israel tan Juda, manlapud baley na Dan ya anggad baley na Beer-seba. Pateyen ak komun na Dios no ag ko gawaey polaing ya ontua ya!”

1 Saray Arari 22:16

Balet inmebat si Acab, “Mamimpigan ibagak ed sikan say katwaan labat so ibagam ed siak diad ngaray Katawan?”

2 Saray Arari 6:31

Inkuanto, “Pateyen ak komun na Dios no diad sayan agew et ag napotutay olo si Eliseo!”

Saray Salmo 141:5

Nayarin dusaen tan pampasnukan ak na maung a too diad panangasi to, balet ag ko abuloyan a pagalangan ak na saray totoon maoges, ta ipipikasik lawas so sumpad maoges iran gawa ra.

Jeremias 38:14

Impaawit ak nen Ari Sedekias diad kumatlon lolooban ed Timplo. Inkuantod siak, “Walay tepeten kod sika, et ag ko labay a walay iyamut mod siak.”

Jeremias 42:4

Inebetan ko ra, “Maung itay anunotan yo. Ipikasi ta kayod Katawan a Dios tayo tan ibagak so kekerewen yo. No antoy ibaga to, salitaen kod sikayo. Anggapoy iyamut kod sikayo.”

Daniel 4:19

Lapud saya, si Daniel a tatawagen met na Beltsasar et apagaan, kanyan ag makasel. Inkuan na ari ed sikato, “Ag ka mapaga lapud samay kogip tan say labay ton ibaga.” Inmebat si Beltsasar, “Kagalang ya Ari, aliwan sika komun so kipaakaran na kabaliksan na kogip, no ag ta saray kalaban mo.

Mikias 2:7

Abaloan mo a nisamba iray totood Israel? Naoput ta lay anos na Katawan? Gawaen to ta ra tay ibabagam? Ag ta marakep so panagsalita to ed saray manggagaway katunongan?”

Saray Bilang 23:17

Kanyan pinmawil si Balaam et asabian toy Balak a manalalagey ni ed abay na isasaklang ton bagat a popoolan, tan kaiba to rad may pangulo na Moab. Tinepet nen Balak no anto so imbaga na Katawan,

Mateo 26:63

Balet ag inmesel si Jesus. Inkuanto lamet imay Pangulon Pari, “Diad ngaran na Dios a mabilay, pansambaen ta ka: ibagam ed sikami no talagan sikay Cristo ya Anak na Dios.”

Ruth 1:17

No iner so pateyan yo, dimay pateyan ko tan dimay pangipomponan ed siak. Dusaen ak a maung komun na Katawan no abuloyan kon pansiyanen itayoy arum a bengatla likud ed patey!”

1 Samuel 14:44

Inmebat si Saul ed sikato, “Pateyen ak komun na Dios no ag ta ka papatey!”

1 Samuel 20:13

No getma to ka nin pasakitan, pateyen ak komun na Katawan no ag ko paipakabat ed sika, pian nibatikan moy kaatapan. Wala komud sikay Katawan a singa inkiwala to nen saman ed kinen amak!

1 Samuel 25:22

Pateyen ak komun na Dios no kasabiy kabwasan et walay inkerak a mabilay a lakin kaiba to!”

1 Samuel 3:16

Tinawag nen Eli, “Samuel, anak ko!” Inmebat si Samuel, “Wadya ak.”