1 Samuel 3:11 - Maung A Balita Biblia

¹¹ Inkuan na Katawan ed sikato, “Onsabiy agew a walay gawaen kod saray totood Israel, et siopamay makadngel na nipaakar ed saya ombegas so bago tod takot to.

Maung a Balita Biblia

¹¹ Inkuam na Katawan ed sikato, Onsabiy agew a walay gawaen kod saray totood Israel, et siopamay makadngel na nipaakar ed saya ombegas so bago tod takot to.

1 Samuel 3:11 Iomraidhean Croise

2 Saray Arari 21:12

Kanyan siak, say Dios na Israel, so mangyakar na ontan lan deral ed Jerusalem tan Juda, et onkelaw so balang sakey a makadngel ed agawa.

Say Libro nen Job 41:9

Siopamay makanengneng ed Libiatan, naekalay biskeg na linawa tan natumbad dalin.

Isaias 28:19

Ondalan lan ondalan ed sikayo so deral, kapag kabwasan. Nepeg yo yan liknaen ed agew tan labi. Mangiter na balon takot ed sikayo so kapag balon balita na Dios.

Isaias 29:14

Kanyan pakelawen ko ra yan totoo diad panggawak ed sikara na mantotombukan a pakelaw. Saray makabat magmaliw iran makulang-kulang, tan say inkasilib da magmaliw ya andi-kana.”

Jeremias 19:3

Imbagad siak na Katawan ya ikuanko, “Dengel kayo, arari na Juda tan sikayon totood Jerusalem, ed labay kon ibaga, siak a Katawan a Makapanyarin-amin a Dios na Israel. Mangyakar ak ed sayan pasen na deral, et onkaningking so layag na balang sakey a makadngel ed sayan deral.

Habacuc 1:5

Insan say Katawan kuantod saray totoo to, “Imano yo lawas iray bansad kaliber-liber yo, et onkelaw kayod nanengneng yo. Manggawa ak na sakey a bengatlan ag yo sisiaen no narengelan yo.

Lucas 21:26

Patey-pateyan iray totood takot da diad panalagar dad kairapan ya onsabid sankamundoan, ta ag natombuk na saray pakayarid liwang so gendat a kinaoksuy da.

Saray Gawgawa 13:41

‘Nengneng yo, sikayon mabalaw! Onkelaw tan ompatey kayo! Ta say kimey a gagawaen kod panaon yo et ag yon balut napanisiaan, anggan walay mangipaliwawad sikayo!’”

1 Samuel 3:10

Sinmabi so Katawan tan nanalagey diman, tan tinawag to a singa impanawag to nen inmona, “Samuel! Samuel!” Inmebat si Samuel, “Mansalita ka; onderengel so aripen mo.”

1 Samuel 4:10

Akilaban iray Filisteo; atalo ray Israelita tan kibatiktik irad kaabungan da. Amayamay a maung so inaatey: talomplon libon Israelitan sondalo so inaatey.