1 Samuel 29:3 - Maung A Balita Biblia

³ Anengneng ira na saray pangulo da ray sondalo na Filistia tan tinepet da, “Antoy gagawaen da ra tay Hebreo dia?” Inmebat si Akis, “Si David itan, sakey ya opisyal nen Ari Saul na Israel. Abayag lan kaiba to ak. Anggapo niy nalmok a nankasalananan to nanlapu lad insabi tod siak.”

Maung a Balita Biblia

³ Anengneng ira na saray pangulo da ray sondalo na Filistia tan tinepet da, Antoy gagawaen da ra tay Hebreo dia? Inmebat si Akis, Si David itan, sakey ya opisyal nen Ari Saul na Israel. Abayag lan kaiba to ak. Anggapo niy nalmok a nankasalananan to nanlapu lad insabi tod siak.

1 Samuel 29:3 Iomraidhean Croise

Genesis 14:13

Balet walay toon akabatik tan imbaga to ra yan amin ed kinen Abram a Hebreo, a manaayam ed abay na saray masanton kiew nen Mamre ya Amorreo. Si Mamre tan di Escol tan Aner ya agagi to et kagampi ray Abram.

1 Saray Awaran 12:19

Wala ray pigaran sondalon kabyangay tribu nen Manases ya akigampi rad kinen David nen linman mibakal a kaiba to ray Filisteo ed kinen Ari Saul. Diad tuay tua si David ag to tinulongan iray Filisteo, ta pinapawil na saray pangulo ra lapud mapaga ra ompan mantraidor tan migampid Saul a gendat a pangulo to.

1 Saray Awaran 12:20

Saray sondalon kabyangay tribu nen Manases ya akigampi rad kinen David nen ompapawil ed Siclag et saraya: Adna, Jezabad, Jediael, Micael, Jozabad, Eliu, tan Zilletai. Diad Manases pangulo na sanlibon sondalo so balang sakey ed sikara.

Daniel 6:5

Inkuanda sirin ed sakey tan sakey, “Ag itayon tua makarumog na antokaman a pakapangidaleman tayod Daniel, no ag ingen dia labat ed panumpal toy ganggan na Dios to.”

Juan 19:6

Kanengneng na saray manonan papari tan saray guardia, ineeyag da, “Ipasak mod krus! Ipasak mod krus!” Inkuanen Pilato ed sikara, “Ala yo sirin tan sikayo lay makaoley a mangipasak ed sikato, ta anggapoy arumog kon kasalanan to.”

Saray Taga Roma 12:17

Ag kayo ombabales na maoges ed toon nanggaway maoges ed sikayo. Gawa yoy antokaman ya ipapasen a maung na amin a totoo.

1 Pedro 3:16

Balet nepeg a maoyamo tan mapagalang kayod panagebat yo. Pansiansia yon malinis so konsinsia yo, pian nabaingan iray mamaoges ed panggawa yoy kamaungan diad itombuk yod Cristo.

1 Samuel 14:11

Nampanengneng ira sirin ed saray Filisteo, et saray Filisteo kuanda, “Nengneng yo! Ompapaway iray pigaran Hebreo ed saray abut a nanaamutan da!”

1 Samuel 25:28

Pirdona mo ak pa, no wala bilang so maoges a ginawak. Say Katawan gawaen to kan ari, tan anggan saray kabyangay boleg mo, ta milalaban kad saray bakal na Katawan; ag ka manggaway kaogsan legay pambilay mo.

1 Samuel 27:1

Inkuanen David ed sikaton dili, “Onsabiy agew a pateyen ak nen Saul. Say sankaabigan a gawaen ko et say ibatik kod Filistia. Tondaan to ak ed satan ya anapen ed Israel, et niarawi ak ed kaatapan.”

1 Samuel 27:7

Labinanem a bulan a nanayam si David ed Filistia.

1 Samuel 29:6

Tinawag nen Akis si David tan kuantod sikato, “Sambaan kod mabilay a Dios na Israel a matoor kad siak; tan maliket ak a kaiba ta kan milaban ed sayan bakal. Anggapo niy nalmok a nankasalananan mo nanlapu lad insabim ed siak ya anggad natan. Balet ag ka abuloyan na saray arum a panguloy sondalo.

1 Samuel 4:6

Nadngel na saray Filisteo so eyagan, tan kuanda, “Dengel yoy maksil ya eyagan ed kampo da ray Hebreo! Anto kasiy kabaliksan to?” Nen naamtaan da a sinmabid kampo da ray Hebreo so Kaban na Sipanan na Katawan,