1 Samuel 28:6 - Maung A Balita Biblia

⁶ kanyan tinepet tod Katawan no antoy gawaen to. Balet ag balut inebatan na Katawan, diad panamegley na kogip, odino diad panamegley na Urim tan Tummim, odino diad panamegley na saray propita.

Maung a Balita Biblia

⁶ kanyan tinepet tod KATAWAN no antoy gawaen to. Balet ag balut inebatan na KATAWAN, diad panamegley na kogip, odino diad panamegley na Urim tan Tummin, odino diad panamegley na saray propita.

1 Samuel 28:6 Iomraidhean Croise

2 Samuel 22:42

Onkekerew ira na tulong, balet anggapoy mangilaban ed sikara, mikakasi rad Katawan, balet ag to ra ebatan.

Saray Salmo 74:9

Naandipat lan amin iray masanton tanda mi; anggapo lay atilak a propita, et anggapoy makaamta no kapigan mansumpal ya.

Exodo 28:20

diad kumapat a dasig, peketan mo na sakey a baton birilo, sakey a kornalina, tan sakey a haspi. Ipeket mo ra ya ed panangipatoonan a balituk.

Exodo 28:30

Ipeket mod apis na pagew so Urim tan Tummim, pian si Aaron et sankaawit to ra no onloob ed pasen a kawalaan ko. Diad saratan a panaon nepeg ton isolung lawas so sayan apis na pagew, pian naamtaan to so linawak para saray Israelita.

Probirbio 27:1

Ag mo ipapasirayew so nipaakar ed nabwas. Ag mo amta no nagawa ed sayan agew.

Jeremias 23:28

Say propitan walay kogip to nepeg ton ibaga a sakey labat a kogip, balet say propitan walad sikatoy salitak nepeg a matoor ton ipulong. Antoy piparaan na dayami ed ilik?

Saray Tagleey 2:9

Atabun-tabunan la na saray deral-deral iray puirta tan apoter-poter iray tarangka ra. Nibantak ed arum a bansa so ari tan saray prinsipi. Ag la nibabangat so Ganggan, tan anggapo lay nanaawat na saray propita a pasingayew a manlalapud Katawan.

Joel 2:28

“Kayari to yan nagawa ibung kod balang sakey a too so ispirituk: ibawag na saray anak yon lalaki tan bibii so balitak; nawalaan na saray kogip iray mamatakken yon lalaki, tan makanengneng na pasingayew iray tobun-balo yo.

Levitico 8:8

Insolung tod sikato so apis na pagew tan inyan to dia so Urim tan Tummim.

Mikias 3:7

Napelag ed kababaingan iray totoon mampropisiya na nipaakar ed nagawad arapen. Nabaingan ira lapud anggapoy naalagar dan ebat na Dios.

Saray Bilang 12:6

tan say Katawan kuanto, “Dengel yo natan so ibagak! No walad sikayo ray propita, ipaamtak ed sikara so siak a dili diad panamegley na saray pasingayew tan misalita ak ed sikara diad panamegley na saray kogip.

Saray Bilang 27:21

Diad kinen Eleazar a pari, diad pangikana to na Urim tan Tummim so pakaamtaan toy linawak. Onya so pangiwanwan nen Eleazar ed kinen Josue tan amin ya Israelita diad amin a gawaen da.”

Mateo 1:20

Balet nen nununoten to ya, pinmayawar so sakey ya anghil na Katawan ed kugip to a nankuan: “Jose, a kabyangay boleg nen David, ag ka natatakot ya ituloy mon ikasal si Maria, ta nanlapud pakayari na Ispiritu Santo so lokun to.

Juan 9:31

Amta tayon ag dedengelen na Dios iray makasalanan. Say dedengelen to say toon matway pangigalang tod Dios tan mangoonur na linawa to.

Deuteronomio 33:8

Nipaakar ed tribu nen Levi inkuanto: “O Katawan, ipaamtam pay linawam diad panamegley na Urim tan Tummim Diad panamegley na saray matoor ya aripen mon Levita; Sinubok mo ra ed dalin na Masa Tan apaneknekan mon matua ra diad danum ed Meriba.

Santiago 4:3

Tan no mikerew kayo bilang ag yo naawat, ta maoges iray getma yo; say bengatlan panliketan yon dili so kekerewen yo.

1 Samuel 14:37

Kanyan tinepet nen Saul ed Dios, “Dogpaan ko ra kasiy Filisteo? Panaloen mo kami kasi ed sikara?” Balet ag inmebat so Dios ed saman ya agew.

1 Samuel 28:15

Inkuanen Samuel ed kinen Saul, “Akin et sinigensigen mo ak? Akin et pinapawil mo ak?” Inmebat si Saul, “Nagugunigonan ak a maung! Babakalen ak na saray Filisteo, tan inkaindan ak na Dios. Ag to ak la ebatan a balut, diad panamegley na saray propita, o diad saray kogip. Kanyan tinawag ta kan mangibagad siak no antoy nepeg kon gawaen.”

1 Samuel 28:5

Nen anengneng nen Saul iray sondalo na Filistia, ataktakot,