1 Samuel 28:15 - Maung A Balita Biblia

¹⁵ Inkuanen Samuel ed kinen Saul, “Akin et sinigensigen mo ak? Akin et pinapawil mo ak?” Inmebat si Saul, “Nagugunigonan ak a maung! Babakalen ak na saray Filisteo, tan inkaindan ak na Dios. Ag to ak la ebatan a balut, diad panamegley na saray propita, o diad saray kogip. Kanyan tinawag ta kan mangibagad siak no antoy nepeg kon gawaen.”

Maung a Balita Biblia

¹⁵ Inkuanen Samuel ed kinen Saul, Akin et sinigensigen mo ak? Akin et pinapawil mo ak? Inmebat si Saul, Nagugunigonan ak a maung! Babakalen ak na saray Filisteo, tan inkaindan ak na Dios. Ag to ak la ebatan a balut, diad panamegley na saray propita, o diad saray kogip. Kanyan tinawag ta kan mangibagad siak no antoy nepeg kon gawaen.

1 Samuel 28:15 Iomraidhean Croise

Saray Salmo 51:11

Ag mo ak pa patataynanen ed arap mo; ag mo pa eekalen ed siak so masanton ispiritum.

Probirbio 14:14

Saray totoon maoges anien day bayar na kaogsan da. Saray totoon matonung natumangan ira, lapud saray gawgawa ra.

Oseas 9:12

Et anggaman a mamabaleg ira na saray anak, alaen ko ra ya anggad anggapoy natilak. No ikaindan ko ra yan totoo, makapasinagem iray nagawad sikara.”

Mateo 25:41

“Insan ikuantod saray walad nikawigi to, ‘Arawi kayod siak, sikayo ran insambay Dios! Lakayod apoy ya andi-anggaan a niparaan ed Diablo tan saray anghil to!

Saray Huis 16:20

Insan inmeyag, “Samson! Nitan la ray Filisteo!” Binmangon tan ninunot to, “Makaokpus ak tan nabolus ak a singa gendat.” Ag to amta a tinaynan la na Katawan.

1 Samuel 18:12

Antakot si Saul ed kinen David, ta walad kinen David so Katawan a tinmaynan lad kinen Saul.

1 Samuel 23:2

Kanyan tinepet tod Katawan, “Laen kon dogpaan iray Filisteo?” “On,” ebat na Katawan. “Dogpaan mo ra tan iyagel moy Keila.”

1 Samuel 23:4

Kanyan impanon lamet nen David ed Katawan, tan imbagay Katawan ed sikato, “Lakad Keila tan dogpaan mo ray Filisteo ta panaloen ta kad sikara.”

1 Samuel 28:11

“Siopay tawagen ko?” tepet to may bii. “Si Samuel,” ebat to.

1 Samuel 28:16

Inkuanen Samuel, “Akin et tawagen mo ak, no inkaindan kay Katawan tan nagmaliw kan kalaban ko?

1 Samuel 28:6

kanyan tinepet tod Katawan no antoy gawaen to. Balet ag balut inebatan na Katawan, diad panamegley na kogip, odino diad panamegley na Urim tan Tummim, odino diad panamegley na saray propita.

1 Samuel 28:8

Nansolung na nidoman kawes si Saul, pian ag nabirbir tan diad kapansironget linman kaiba to ray duaran totoo to, ta nengnengen da may bii. “Ipanonan mo ak ed saray ispiritu tan ibagam ed siak no antoy nagawa,” inkuantod samay bii. “Tawag moy ispiritun bitlaen ko.”

1 Samuel 30:6

Agunigon a maung si David, ta ansakit a maung so linawa da ray totoo to lapud inkabalang na saray anak da, tan pantotongtongan da lan tupaken. Balet pinabiskeg na Katawan a Dios to so linawa to.