1 Samuel 26:6 - Maung A Balita Biblia

⁶ Insan tinepet nen David ed kinen Ahimelec a Heteo, tan diad kinen Abisai ya anak nen Zarvia tan agi nen Joab, “Siopad sikayon dua so milad siak ya onlad kampo nen Saul?” “Siak,” ebat nen Abisai.

Maung a Balita Biblia

⁶ Insan tinepet nen David ed kinen Ahimelec a Heteo, tan diad kinen Abisai ya anak nen Zarvia tan agi nen Joab, Siopad sikayon dua so milad siak ya onlad kampo nen Saul? Siak, ebat nen Abisai.

1 Samuel 26:6 Iomraidhean Croise

Genesis 10:15

Say pangulowan ya anak nen Canaan et si Sidon, tan say kumadwa si Het.

Genesis 15:20

Heteo, Perezeo, Rafaita,

Genesis 23:3

Tinaynan toy pasen a kawalaay bangkay nen asawa to, linmad saray Heteo, tan inkuanto,

Genesis 26:34

Nen mantaoy apataplo si Esau, inasawa to ray duaran marikit a Heteo, si Judit ya anak nen Beeri tan si Basemat ya anak nen Elon.

2 Samuel 11:21

Ag yo ta anunotan no panoy impatey nen Abimelec a lakin anak nen Jerubesset? Diad Tebez iman so inkagawaan to; sakey a bii so angipelag na gilingan manlapud tagey na padir tan sikatoy inateyan nen Abimelec. Akin sirin et inabayan yon maung so padir?’ No tepeten ya na ari, ikuan mo ed sikato, ‘Inatey met si opisyal mon Urias.’”

2 Samuel 11:24

Insan manlapud padir pinapana da kami, tan pigaran opisyal moy apatey a pati si Urias ya opisyal mo.”

2 Samuel 11:6

Insan si David impaikuantod kinen Joab, “Ibakim diay Urias a Heteo.” Kanyan imbaki nen Joab si Urias ed kinen David.

2 Samuel 12:9

Akin sirin et ag mo inonur iray ganggan ko? Akin et ginawam yan kaogsan? Impapatey mod bakal si Urias; inabuloyan mon pinatey na saray Ammonita, insan mo inasaway asawa to!

2 Samuel 18:5

Ingganggan tod kindi Joab, Abisai, tan Itai, “Makasengeg ed siak ag yo papasakitan so malangwer a lakin si Absalom.” Nadngel na amin a sondalo so impangibaga nen David ed sayan ganggan.

2 Samuel 2:13

Linma met diman si Joab a lakin anak nen Sarvia tan saray arum ya opisyal nen David, tan nanaabet irad samay dipositoy danum diman. Say sakey a grupo inmirung ed sakey a dapag tan say sakey a grupo diad basil.

2 Samuel 2:18

Akibakal iray taloran lalakin anak nen Sarvia a di Joab, Abisai, tan Asael. Si Asael, a mabatik a singa ulsad katakelan,

2 Samuel 23:18

Say lakin agi nen Joab a si Abisai (Si Sarvia so ina ra) so pangulo da ray “Talomplon Bantug.” Inkana toy pika diad impilaban tod saray talon lasus a lalaki tan pinapatey to ra, kanyan nagmaliw a bantug ed “Saray Talomplo.”

1 Saray Arari 10:29

Nansasaliw met irad Egipto na saray karwahi. Nanlalako rad saray ararin Heteo tan Siriano na saray kabayo tan saray karwahi; anem a lasus a pilak so bili na sakey na karwahi tan sanlasus tan limamplon pilak so sakey a kabayo.

2 Saray Arari 7:6

Imparengel na Katawan ed saray Siriano so tanul na idodogpa na saray dakerakel a sondalon akakabayo tan akakarwahi, kanyan abaloan na saray Siriano ya impaibaan so ari na Israel ed saray Heteo tan saray Egipsio tan saray arari ra ya ondogpad sikara.

Josue 3:10

Legan kayon mankukurang, andi-saew a pataynanen to ray Cananeo, saray Heteo, saray Heveteo, saray Perezeo, saray Gergeseo, saray Amorreo, tan saray Jebuseo. Naamtaan yo a say mabilay a Dios et kaolup yo

1 Samuel 26:7

Kanyan diad saman a labi linmoob si David tan si Abisai ed kampo nen Saul et nalmo ran naogip si Saul diad pegley na kampo tan walad olowan toy pika ton akapanek ed dalin. Naogip ed kaliber-liber si Abner tan saray sondalo to.