1 Samuel 26:24 - Maung A Balita Biblia

²⁴ No antoy ginawak ed sika natan, ontan met komun so gawaen na Katawan ed siak, tan iyarawi to ak ed antokaman a gunigon!”

Maung a Balita Biblia

²⁴ No antoy ginawak ed sika natan, ontan met komun so gawaen na KATAWAN ed siak, tan iyarawi to ak ed antokaman a gunigon!

1 Samuel 26:24 Iomraidhean Croise

Genesis 48:16

Bindisionan ira komun na anghil ya angipaliis ed siak ed antokaman a kaogsan. Mansiansia komun ed panamegley da so ngaran ko tan say ngaran di amak ya Abraham tan amak ya Isaac. Nawalaan ira komun na amayamay a kabyangay boleg.”

2 Samuel 4:9

Inmebat si David ed sikara, “Mansamba ak ed ngaran na mabilay a Katawan, ya angyagel ed siak ed amin a kaatapan.

Saray Salmo 144:2

Sikatoy manangyagel ko tan tirinsirak sikatoy salimbeng ko tan manangilaban ko, sikatoy samper a panmamatalkan ko pian niarawi ak ed kaatapan. Tataloen to ray bansan walad silong na pakaoley ko.

Saray Salmo 18:1

Inararo ta ka, O Katawan! Sika so manangyagel ko.

Saray Salmo 18:25

Matoor ka, Katawan, ed saray matoor ed sika, tan nagnap so inkamaung mod saray totoon ayadyari.

Saray Salmo 18:48

tan ililiktar to ak ed saray kalaban ko. Katawan, sikay mangiiter ed siak na pananalo ed saray kalaban ko tan sikay mangyaagel ed siak ed saray maruksan totoo.

Saray Salmo 34:20

aasikasoen a maung na Katawan; anggapoy pokel ton napoter.

Saray Salmo 54:7

Inyagel mo ak ed amin da ray gunigon ko, tan anengneng kon atalo ray kalaban ko.

Mateo 5:7

“Maliket iray mapangasi, ta kasian iray Dios!

Mateo 7:2

Ta no panoy panisintinsia yod arum a too, ontan met so panisintinsia na Dios ed sikayo; tan no panoy panusukat yod arum a too, ontan met so panusukat na Dios ed sikayo.

Saray Gawgawa 14:22

Pinabiskeg day linawa na saray disipulo, tan binilin da a mansiansia ran matoor ed pananisia. Inkuanda met ed sikara, “Dakel iray nepeg tin palabasen ya irirap diad iloob tayod Panariay Dios.”

2 TESALONICA 3:2

Ipikasi yo pa met ya iyagel kamiy Dios ed saray totoon bagel tan maoges, ta aliwan amin et mananisia.

Puyan 7:14

“Ag ko amta,” ebat ko. “Sikayoy makaamta.” Inkuantod siak, “Sikara yay totoon akaliktar ed baleg a kairapan. Inorasan tan pinapoti ray kawes da ed dala na Kordiro.

1 Samuel 18:30

Kapag onsabin mibakal iray Filisteo, maaligwas nin mibakal si David nen saray arum ya opisyal nen Saul. Lapud saya, lalon binmantug si David.

1 Samuel 24:16

Kayari nen David a nansalita, inkuanen Saul, “Sikan talaga anak kon David?” Ginapwan toy onakis,