1 Samuel 26:11 - Maung A Balita Biblia

¹¹ Ag komun iyabuloy na Katawan a siak so mamasakit ed toon pinili ton ari! Alaen ta labat so pika to tan say pananginan toy danum, insan ta la onla.”

Maung a Balita Biblia

¹¹ Ag komun iyabuloy na KATAWAN a siak so mamasakit ed toon pinili ton ari! Alaen ta labat so pika to tan say pananginan toy danum, insan ta la onla.

1 Samuel 26:11 Iomraidhean Croise

2 Samuel 1:14

Tinepet nen David ed sikato, “Akin et atepelan mon pinatey so lakin pinili na Katawan a manari?”

2 Samuel 1:16

Insan inkuanen David ed samay Amalecita, “Sikan diliy amasabid laman mo na sayan agawad sika. Sinintinsiaan moy dusa so sikan dili diad impangibagam a pinatey moy lakin pinili na Katawan a manari.”

2 Samuel 19:22

Balet inkuanen David ed saray sanagin Abisai tan Joab, “Siopay anepet ed sikayo no antoy nepeg a gawaen? Labay yon itdan ak na gunigon? Siak la natan so ari na Israel; anggapoy Israelitan napatey natan ed sayan agew.”

Saray Salmo 17:4

a singa pansasalitay arum; inonur koy ganggan mo, tan ag ak tinmombuk ed maruksan kagagawa.

Saray Taga Roma 12:17

Ag kayo ombabales na maoges ed toon nanggaway maoges ed sikayo. Gawa yoy antokaman ya ipapasen a maung na amin a totoo.

Saray Taga Roma 12:19

Ag kayo ombabawi, inararon agagi; paolyan yo lan ombawi so Dios. Ta ibabagay Masanton Sulat, “Siak so maningil, siak so ombawi, kuay Katawan.”

1 Pedro 3:9

Ag yo ibabales so maoges ed saray manggagaway kaogsan ed sikayo. Ag yo aayewey mangaayew ed sikayo, no ag ingen panggawaan yoy kamaungan, ta atawag kayo a mangawat na bindisioy Dios.

1 Samuel 12:3

Nia ak natan ya akatalindeg ed arap yo. No walay ginawak a makapoy, akusa yo ak natan ed arap na Katawan tan diad arap na pinili ton ari. Walay inalak a bakan kayaryan na arum o asnon kayaryan na arum? Sinaol o pinairap koy siopaman? Angawat ak na pasoksok ed siopaman, kanyan nambulag-bulagan ak? No walay ginawak ed saraya, ipawil koy inalak.”

1 Samuel 24:12

Sintinsiaan ita komun na Katawan, no siopad sikatay manggagaway maoges! Dusaen ka komun na Katawan lapud gagawaen mod siak, ta no siak ag ta ka pasakitan.

1 Samuel 24:4

Inkuan ed sikato na saray totoo to, “Sikato la yay pankanawnawam! Imbagad sika na Katawan ya ipasilong tod pakayarim so kalaban mo tan nayarian mon gawaen ed sikato so antokaman a labay mo.” Nankalkalnan kinorung nen David si Saul tan angerger na saloy na kawes nen Saul ya ag to amta.

1 Samuel 24:6

tan kuantod saray totoo to, “Ag iyabuloy komun na Katawan a pasakitan koy pinili ton ari! Ag ko nepeg a pasakitan ta sikatoy ari a pinili na Katawan!”