1 Samuel 25:34 - Maung A Balita Biblia

³⁴ Sinambaan ko lad ngaray mabilay a Dios na Israel a pateyen ko ray amin a totoo nen Nabal. No ag ka labat nangganat ya inmabet ed siak, ompatey iran amin komun kasakbayay kabwasan. Say Katawan so anebel ed siak ya ag to kayo napasakitan!

Maung a Balita Biblia

³⁴ Sinambaan ko lad ngaray mabilay a Dios na Israel a pateyen ko ray amin a totoo nen Nabal. No ag ka labat nangganat ya inmabet ed siak, ompatey iran amin komun kasakbayay kabwasan. Say KATAWAN so anebel ed siak ya ag to kayo napasakitan!

1 Samuel 25:34 Iomraidhean Croise

Genesis 20:6

Inmebat so Dios diad panamegley na kogip, “On, amtak a malinis so konsinsiam ed impamaawit mo, kanyan ag ko inyabuloy a diwiten mo, pian ag ka mankasalanan ed siak.

Josue 10:6

Saray taga Gabaon impaikuandad kinen Josue a walad kampod Gilgal: “Ag mo kami kari ikakaindan! Gala dian tampol ta tulongan mo kami! Amin da ray arari ed nipokdul iran pasen et nanmomoyung ira tan dinogpaan da kami!”

Josue 10:9

Sanlabin nankurang ira di Josue tan saray sondalo to manlapud Gilgal ya anggad Gabaon, tan biniglaan dan dinogpaan ira may Amorreo.

1 Samuel 11:11

Kaimbuas ginawa nen Saul a taloran grupo iray totoo to, tan diad palbangon dinogpaan da ray Ammonita a walad kampo. Kasabiy kaaguan apatey da la ra. Ataytayak iray akeraan, tan nagsibatik so balang sakey ed sikara.

1 Samuel 25:18

Nangganat ya angalay Abigail na duan lasus a tinapay; duaran pananginan a katat a napnoy alak, limaran litson a karniro, limaran salup ya insanglil a trigo, sanlasus a monggol na ubas, duan lasus a kanen ya impamagan bungay igos, tan inyan to rad beneg na saray asno.

1 Samuel 25:22

Pateyen ak komun na Dios no kasabiy kabwasan et walay inkerak a mabilay a lakin kaiba to!”

1 Samuel 25:26

Say Katawan so manesebel a sikan dili so ombawi tan mamatey ed saray kalaban mo. Natan sambaan ko diad ngaran na mabilay a Katawan a nadusan singa si Nabal iray kalaban mo tan amin da ray malabay a mamasakit ed sika.

1 Samuel 25:39

Nen nadngelan nen David ya inatey si Nabal, inkuanto, “Nagalang so Katawan! Binmawid kinen Nabal lapud impamabaing tod siak. Say Katawan so angipaliis ed siak ya aripen to ed panggawak na maoges. Dinusa na Katawan si Nabal lapud kaogsan to.” Insan angibakiy David na mangibagan labay ton asawaen si Abigail.