1 Samuel 25:33 - Maung A Balita Biblia

³³ Salamat ed Dios lapud kamaungay impannonut mo tan lapud impangipaliis mod siak ed pamatey kod kaparak a too tan say impamanom ya ombawi ak a dili.

Maung a Balita Biblia

³³ Salamat ed Dios lapud kamaungay impannonut mo tan lapud impangipaliis mod siak ed pamatey kod kaparak a too tan say impamanom ya ombawi ak a dili.

1 Samuel 25:33 Iomraidhean Croise

Saray Salmo 141:5

Nayarin dusaen tan pampasnukan ak na maung a too diad panangasi to, balet ag ko abuloyan a pagalangan ak na saray totoon maoges, ta ipipikasik lawas so sumpad maoges iran gawa ra.

Exodo 22:2

Nepeg ton bayaran so tinakew to. No anggapon balut so kayaryan to, nepeg ya ilako a sakey ya aripen pian nabayaran so tinakew to. No nalmo ed sikato a mabilay so tinakew to a baka odino asno odino karniro, nepeg to a bayaran na duara so sakey. No diad labi et nasiwa so sakey a matakew ya onloloob ed sakey ya abung tan apatey, say akapatey ed sikato et ag mankasalanan na impamatey. Balet no diad agew so kagawa to, mankasalanan na impamatey.

Probirbio 13:14

Sobul na bilay iray bangat da ray totoon makabat; ibaan da kan ompaliis no wala kad kaatapay patey.

Probirbio 17:10

Say toon walay pakatalus, dakel niy naaral to ed sakey a pasnuk nen say naaral na toon makulang-kulang ed sanlasus a lewet.

Probirbio 25:12

Say pasakbay ya inter na toon walay salsali tod panagbilay ed toon sipaparaan ya ondengel et mabli ni nen saray balituk a singsing odino saray alahas a puron balituk.

Probirbio 27:21

Say apoy susuboken toy balituk tan pilak; ontan met say kagalangan na sakey a too nayarin suboken.

Probirbio 28:23

Petek moy sakey a too, et ag mabayag labay to niy impametek mo nen say panamalikdo.

Probirbio 9:9

Say antokaman ya ibagam ed toon makabat pagmaliwen ton lalon makabat. Say antokaman ya ibagam ed toon matonung aruman toy pakaamta to.

1 Samuel 24:19

No naerel na sakey a too so kalaban to, ibolus to kasin ag adiwit? Bindisionan ka komuy Dios lapud ginawam ed siak ed sayan agew!

1 Samuel 25:26

Say Katawan so manesebel a sikan dili so ombawi tan mamatey ed saray kalaban mo. Natan sambaan ko diad ngaran na mabilay a Katawan a nadusan singa si Nabal iray kalaban mo tan amin da ray malabay a mamasakit ed sika.

1 Samuel 25:31

anggapo lad satan so pagbabawian o panermenan mo, lapud impamatey mon anggapoy makasengeg odino lapud imbawim. No binindisionan ka lay Katawan, ag mo ak pa komun lilingwanan.”