1 Samuel 25:28 - Maung A Balita Biblia

²⁸ Pirdona mo ak pa, no wala bilang so maoges a ginawak. Say Katawan gawaen to kan ari, tan anggan saray kabyangay boleg mo, ta milalaban kad saray bakal na Katawan; ag ka manggaway kaogsan legay pambilay mo.

Maung a Balita Biblia

²⁸ Pirdona mo ak pa, no wala bilang so maoges a ginawak. Say KATAWAN gawaen to kan ari, tan anggan saray kabyangay boleg mo, ta milalaban kad saray bakal na KATAWAN; ag ka manggaway kaogsan legay pambilay mo.

1 Samuel 25:28 Iomraidhean Croise

2 Samuel 5:2

Nen saman, anggan nen ari mi ni si Saul, impangulom ed bakal iray totood Israel, tan insipan ed sika na Katawan ya iwanwan mo ray totoo to tan oleyan mo ra.”

2 Samuel 7:16

Nawalaan ka lawas na saray kabyangay boleg mo, tan pansiansiaen ko ya anggad angga so nanarian mo.’”

2 Samuel 7:27

O Katawan a Makapanyarin-amin a Dios na Israel! Matalek kon ipikasi yad sika, ta impuyan mo yan amin ed siak ya aripen mo, tan imbagam ed siak a gawaen mon arari iray kabyangay boleg ko.

1 Saray Arari 15:3

Ginawa to ray kasalanan a ginagawa nen ama to tan aliwan sigput a matoor ed Katawan a Dios to; ag to naaligan si laki tod dapan a si David.

1 Saray Arari 15:5

Ginagawa ya na Katawan, lapud ginawa nen David iray makapaliket ed sikato tan ag ton balut sinumlang iray ganggan to, likud ed samay ginawa to ed Urias a Heteo.

1 Saray Arari 9:5

sumpalen ko may insipan kod kinen amam a David nen imbagak ed sikato a sakey a kabyangay boleg to so lawas manoley ed Israel.

1 Saray Awaran 17:25

Matalek kon ipikasi yad sika, O Dios ko, ta impuyan mo yan amin ed siak ya aripen mo, tan imbagam ed siak a gawaen mon arari iray kabyangay boleg ko.

2 Saray Awaran 20:15

Inkuanen Jahaziel, “Kagalang kon Ari tan amin yon totood Juda tan Jerusalem, imbaga na Katawan ya ag yo nepeg a pakakapoyey linawa yo, odino ontatakot a mibakal ed sarayan amayamay a sondalo. Andid lima yo yan bakal no ag ingen walad lima na Dios.

Saray Salmo 7:3

Katawan a Dios ko, no nanggawa ak na maoges ed siopaman, no nantraidor ak ed kaarok, odino pinasakitan kon anggapoy makasengeg so kalaban ko, no ginawak so anggan dinan ed saraya,

Saray Salmo 89:29

Sakey a kabyangay boleg to so lawas manari; say panarian to ag manganggan singa say tawen.

Saray Bilang 23:21

Nanengneng kon say arapen na Israel Et anggapoy gunigon odino kakapoyan. Kaolup da so Katawan a Dios da; Ibabawag da a sikatoy ari ra.

Mateo 5:16

Ontan met, iwandag yod arap na katoowan so silew yo, pian nanengneng da ray maung a gawa yo, et diad ontan, idayew day Ama yon walad tawen.”

Lucas 23:41

Nepeg tan dua so nadusay onya lapud ginawa ta, balet sikato anggapoy kasalanan a ginawa to.”

Lucas 23:47

Nen naimatunan yan agawa na kapitan da ray sondalo, indayew toy Dios. Inkuanto, “Tua a matonung yan too!”

1 Samuel 15:28

Inkuanen Samuel ed sikato, “Say Katawan inekal to natan ed sika so nanarian na Israel tan inter tod sakey a toon maung nen say sika.

1 Samuel 17:47

tan nanengneng na amin da ray wadya ya ag to nakaukolay ispada o pika diad pangyagel tod saray totoo to. Sikatoy mananalo ed bakal, tan ipasilong to kayod pakayari mi.”

1 Samuel 18:17

Insan inkuanen Saul ed kinen David, “Niay Merab, say anak kon sankapangulowanan a bii. Iter kod sikan asawaen mo, dapot no masebeg tan matoor kan sondalo a manlingkur ed siak, tan milaban kad saray bakal na Katawan.” (Ginawa ya nen Saul, ta abaloan ton diad onya napatey na saray Filisteo si David, et aliwa lan sikaton dili so mamatey.)

1 Samuel 2:35

Mamili ak na sakey a parin matoor ed siak tan manggaway amin ya ibagak ed sikato. Itdan ko na saray kabyangay boleg to tan manlingkur ira lawas ed arap na pinilik ya ari.

1 Samuel 22:14

Inmebat si Ahimelec, “Sankatooran si David ed saray opisyal mo! Sikatoy dilin manugang mo, kapitan na saray managbantay ed sika, tan gagalangen ed palasiom.

1 Samuel 24:11

Nengneng mo, ama, nengneng mo yay sankabembenan kon parti na saloy na kawes mo! Apatey ta ka la komun, balet saya labat lay ginerger ko. Diam nanengneng ya anggapoy kanunutan kon onlaban ed sika o pasakitan ka. Aanapen mo ak a pateyen anggaman ya anggapoy ginawak a maoges ed sika.

1 Samuel 24:17

insan to inkuan ed kinen David, “Maptek ka nen say siak. Maung so ipapatnag mod siak, balet maoges so gagawaen kod sika!

1 Samuel 24:21

Isipan mod siak diad ngaray Katawan ya ag mo didiwiten iray kabyangay boleg ko, pian say ngaran ko tan say ngaray pamilyak et ag nalingwanan.”

1 Samuel 24:4

Inkuan ed sikato na saray totoo to, “Sikato la yay pankanawnawam! Imbagad sika na Katawan ya ipasilong tod pakayarim so kalaban mo tan nayarian mon gawaen ed sikato so antokaman a labay mo.” Nankalkalnan kinorung nen David si Saul tan angerger na saloy na kawes nen Saul ya ag to amta.

1 Samuel 25:24

diad saliyan nen David, tan kuantod sikato, “Ipangasim, dengel mo ak! Siak lay tetel mo ed amin ya agawa.

1 Samuel 29:3

Anengneng ira na saray pangulo da ray sondalo na Filistia tan tinepet da, “Antoy gagawaen da ra tay Hebreo dia?” Inmebat si Akis, “Si David itan, sakey ya opisyal nen Ari Saul na Israel. Abayag lan kaiba to ak. Anggapo niy nalmok a nankasalananan to nanlapu lad insabi tod siak.”

1 Samuel 30:26

Nen pinmawil ed Siclag si David, impawitan to ray kakaaro to, saray panguloy Juda, na saray asamsam tan impaibaga to, “Niay panangarok ed sikayo; kabyangan ya na saray asamsam mid saray kalaban na Katawan.”