1 Samuel 25:21 - Maung A Balita Biblia

²¹ Nunudnunoten nen David, “Akin et binabantayan kod kalawakan so kayaryan na saman a too? Anggapoy kayaryan ton abalang, et natan onyay ibales tod tulong kod sikato!

Maung a Balita Biblia

²¹ Nunudnunoten nen David, Akin et binabantayan kod kalawakan so kayaryan na saman a too? Anggapoy kayaryan ton abalang, et natan onyay ibales tod tulong kod sikato!

1 Samuel 25:21 Iomraidhean Croise

Genesis 44:4

Nen ag ni ra akaarawid siudad, inkuanen Jose ed samay aripen ya inkargadod abung to, “Abot mo ra man a totoo tan tepet mod sikara, ‘Akin et kaogsan so imbales yod kamaungan nen amok?

Say Libro nen Job 30:8

Totoo ran andi-kakanaan tan anggapoy kalakal! Pinapataynan da rad paway na bansa.

Saray Salmo 35:12

Maoges so ibabales dad maung a ginawak, et ontan lay paneermen ko.

Saray Salmo 37:8

Ag ka mapaspasnuk o mapagpaga; gunigon labat so pansumpalan to.

Saray Salmo 38:20

Saray mangibabales na maoges ed maung et kalaban da ak lapud panggagawak na kamaungan.

Probirbio 17:13

No kaogsan so ibales mod kamaungan, ag naandian na kaogsan so abung mo.

Jeremias 18:20

Kaogsan ta so tumang na kamaungan? Balet angotkot iray abut a kapelagan ko. Nunot mo a sinmingger ak ed sika tan insalitaan ko ra nipaakar ed sikara, pian onkepa so pasnuk mod sikara.

Saray Taga Roma 12:21

Ag ka padadaeg ed maoges; nepeg mo ingen a daegey maoges diad panamegley na maung.

TAGA-EFESO 4:26

No mampasnuk kayo, paliisan yoy pakapankasalanan yo, tan ag kayo mamapasnuk a sanagew.

TAGA-EFESO 4:31

Ekal yo lad bilay yoy sakit na linawa, alabas a pasnuk tan bosul. Ag ki la maneeyagan, mampapaogesan, o maniirapay linawa.

1 TESALONICA 5:15

Ag kayo ombabawid saray nanggaway maoges ed sikayo, no ag ingen manggawa kayo lawas na pankaabigay sakey tan sakey ed sikayo tan amin a katoowan.

1 Pedro 3:17

Ta lalon maabig no mantepel kayoy kairapan, lapud panggawa yoy kamaungan no sikatoy linaway Dios, nen say mantepel kayoy kairapan, lapud panggawa yoy kaogsan.

1 Pedro 3:9

Ag yo ibabales so maoges ed saray manggagaway kaogsan ed sikayo. Ag yo aayewey mangaayew ed sikayo, no ag ingen panggawaan yoy kamaungan, ta atawag kayo a mangawat na bindisioy Dios.

1 Samuel 25:13

“Ibalkes yo ray ispada yo!” ingganggan to, et sikatoy ginawa ran amin. Imbalkes met nen David so ispada to tan pinmikal a kaiba to ray sakey a apat a lasus a lalaki; saray duan lasus atilak iran mambantay ed saray abasto.

1 Samuel 25:15

Saraman a totoo et maumaung irad sikami; ag da kamin balut sinigensigen, tan legan a kaiba mi rad man ed kaalogan, anggapon balut so abalang mi.

1 Samuel 25:20

Akakabayod asno si Abigail tan ondadalan ed kakurbad gilig na palandey, insan kabebekta nabet toy David tan saray totoo to.

1 Samuel 25:7

Nadngelan ton kakatilian mo ray karnirom, tan labay ton ipaamtad sika a kaiba mi ray pumapastol mo et ag mi ra pinasakitan. Anggapoy abalang da legan a wala rad Carmel.