1 Samuel 25:17 - Maung A Balita Biblia

¹⁷ Nudnunot mo ya natan sirin no antoy nepeg yon gawaen. Nayarin maoges so nagawad amo mi tan say intiron pamilya to. Maonganget, kanyan anggapoy dengelen to!”

Maung a Balita Biblia

¹⁷ Nudnunot mo ya natan sirin no antoy nepeg yon gawaen. Nayarin maoges so nagawad amo mi tan say intiron pamilya to. Maonganget, kanyan anggapoy dengelen to!

1 Samuel 25:17 Iomraidhean Croise

2 Samuel 24:13

linmad sikatoy Gad, sinalita toy impaibaga na Katawan, tan tinepet to, “Dinay pilien mo? Taloy taon ya eras ed dalin mo, odino taloy bulan ya ibatik-batikan mo ray kalaban mo, odino taloy agew a salot ed dalin mo? Kanyan nunot mo tan ibagam ed siak no antoy ebat mo, ta sikatoy ibagak ed Katawan, ya angibakid siak.”

1 Saray Arari 21:10

Mangala kayoy duaran luko-lukon lalaki, paalagey yo rad arap nen Nabot, insan akusaen dan aayewen toy Dios tan say ari. Ipaway yod satan ed siudad, insan yo tupaken ya anggad ompatey.”

1 Saray Arari 21:13

Diad arap na saray totoo, inakusa na saramay duaran lalaki si Nabot ya aayewen toy Dios tan say ari. Kanyan impaway dad siudad si Nabot, tan tinupak da ya anggad inatey.

2 Saray Awaran 13:7

Ag abayag anogyup na saray andi-kakanaan a lalaki, tan impasoot day labay da ed lakin anak nen Solomon a si Roboam ya ogaogaw nid saman tan anggapo niy asalsali tod bilay, kanyan ag to ra nalabanan.

2 Saray Awaran 25:16

Tinepet nen Amasias, “Kapigan lay impanggawa mid sikan sumisimbawa na ari? Tonda ka lan mansalita, ta no andi papatey ta ka!” Tinmonda may propita kayari ton inkuan, “Amtak la natan a ginetma lay Dios a deralen to ka, lapud ginawam ira yan amin tan ag mo dinengel so simbawak.”

Ester 7:7

Inmalagey so ari a mapalaloy petang na olo to, pinmaway ed kuarto, tan linmad tanamanan na palasio. Atalusan nen Haman ya andi-duaruwan dusaen na ari lapud saya, kanyan tinmilak ta kerewen tod Riyna Ester ya ag la komun napatey.

Probirbio 12:8

No makabat ka nadayew ka, balet no makulang-kulang ka nabalaw ka.

Deuteronomio 13:13

a pigaran andi-kakanaan a totoo ed bansa yo so amalikdod saray totood baley da a mangigalang ed saray diriyos ya ag da ni ran balut inggalang nen saman.

Saray Huis 19:22

Manliliket ira nen kabebekta walay ray pigaran lalakin marotak so inkatoo ra a sinmabi ran nanlapud baley. Niliktub da may abung tan ginapwan day nantoktok ed kaput. Inkuandad samay masiken, “Ipaway mo dia tay lakin kaibam a sinmempet! Labay miy miakdul ed sikato!”

1 Samuel 10:27

Balet wala ray pigaran andi-kakanaan a totoo ya inkuanda, “Panon to itayon niyagel yan too?” Binalaw day Saul tan ag da initdan na antokaman.

1 Samuel 2:12

Maoges iray lalakin anak nen Eli. Ag da italtalek so Katawan

1 Samuel 20:7

No ikuanto, ‘Andi bali,’ andi ak ed kaatapan; balet no mampasnuk, naamtaan mo a talagan walay maoges a getma tod siak.

1 Samuel 20:9

Inmebat si Jonatan, “Ag ka mannununot na ontan! No amtak a talagan walay maoges a getma nen amak, imbagak la komun ed sika.”

1 Samuel 25:16

Agew-labi da kamin inyagel nen inaasikaso mi ray karniro.

1 Samuel 25:18

Nangganat ya angalay Abigail na duan lasus a tinapay; duaran pananginan a katat a napnoy alak, limaran litson a karniro, limaran salup ya insanglil a trigo, sanlasus a monggol na ubas, duan lasus a kanen ya impamagan bungay igos, tan inyan to rad beneg na saray asno.

1 Samuel 25:25

Paolyan mo pa la komun iman a Nabal, ta andi-kabaliksan a too! Say inkatoo to et kapara na kabaliksan na ngaran to—sakey ya ambagel! Andid man ak, nen linma rad may aripen mo.