1 Samuel 24:2 - Maung A Balita Biblia

² Angalay talon libon sankamaungan a mibakal a lalaki ed Israel tan linma ran mananap ed kinen David tan saray totoo to diad bokig na Saray Bato na Kanding ed Takel.

Maung a Balita Biblia

² Angalay talon libon sankamaungan a mibakal a lalaki ed Israel tan linma ran mananap ed kinen David tan saray totoo to diad bokig na Saray Bato na Kanding ed Takel.

1 Samuel 24:2 Iomraidhean Croise

2 Samuel 22:2

Say Katawan so manangilaban ko; sikatoy mabiskeg a tirinsirak.

Say Libro nen Job 39:1

Amtam no kapigan so kianak na saray kanding ed palandey? Abantayan mo lan manaanak iray ulsad katakelan?

Saray Salmo 104:18

Manaayam ed saray atagey a palandey iray kanding ed katakelan, tan manaamut ed saray ankakabaleg a kabatowan iray koniho.

Saray Salmo 141:6

Saray totoo birbiren dan tua ray salitak no nibantak lad kelas iray manoley da.

Saray Salmo 37:32

Babantayan na toon maoges so maung a too tan sisiliban ton pateyen;

Saray Salmo 38:12

Saray malabay a mamatey ed siak et papatitan da ak; saray malabay a mamasakit ed siak et tataktakoten da ak a pateyen; ag ira ontotondan mankokomplut sumpad siak.

1 Samuel 13:2

Amili si Saul na talon libon lalakin taga Israel: say duan libo kaiba to ra diad Micmas tan diad nipokdul a dalin na Betel, tan say sanlibo kaiba ra nen Jonatan diad Gabaa, diad dalin a sakop na tribu nen Benjamin. Pinasempet la nen Saul iray arum a lalaki.

1 Samuel 23:28

Kanyan tinondaan ton inosilan si David tan linman akilaban ed saray Filisteo. Lapud saya, atawag iman a pasen na Pokdul a Nansianan.

1 Samuel 26:2

Amiliy Saul na talon libon sankamaungan a sondalo na Israel tan kaiba to ran linman mananap ed kinen David diad Zif.