1 Samuel 24:15 - Maung A Balita Biblia

¹⁵ Say Katawan so manintinsia, tan ibaga to no siopad sikatay manggagaway kaogsan. Ag to ya komun paolyan, siak komuy iyalagey to, tan iyagel to ak ed sika.”

Maung a Balita Biblia

¹⁵ Say KATAWAN so manintinsia, tan ibaga to no siopad sikatay manggagaway kaogsan. Ag to ya komun paolyan, siak komuy iyalagey to, tan iyagel to ak ed sika.

1 Samuel 24:15 Iomraidhean Croise

2 Saray Awaran 24:22

Alingwanan na ari so matoor ya impanlingkur ed sikato nen Joiada ya ama nen Zacarias, kanyan impapatey toy Zacarias. Nen ompapatey si Zacarias, inmeyag, “Nanengneng komun na Katawan so gagawaen yo tan dusaen to kayo!”

Saray Salmo 119:154

Italindeg mo pay katonungan ko, tan ibolus mo ak; ilaban mo ak pa, onung na insipan mo!

Saray Salmo 35:1

Sumlang mo pa ray onsusumlang ed siak, O Katawan, tan labanan mo ray onlalaban ed siak!

Saray Salmo 43:1

O Dios, ibawag mo pan anggapoy kasalanan ko, tan ikatonungan mo ak pad saray totoon ag mamibirbir ed Dios; iliktar mo ak pad saray totoon matitila tan maoges!

Mikias 1:2

Dengel yo ya, amin yon bansa; dengel yo ya, amin yon manaayam ed tapew na dalin! Mantasi so Katawan a Dios sumpad sikayo. Dengel kayo! Mansasalita a manlapud mangatatawen a timplo to.

Mikias 7:9

Nankasalanan kamid Katawan, kanyan nepeg min itepel a magano so pasnuk to. Balet diad kaonuran iyagel to kami tan pagmaliwen ton pankaabigan mi so maoges ya agawad sikami. Agwaten to kami ed liwawa; mambilay kamin nanengneng mi so panangilaban to.

Saray Huis 11:27

On, ag ta kan balut nanggawaay antokaman a makapoy. Sika so manggagaway makapoy diad pibabakal mod siak. Say Katawan so huis a manintinsia natan ed saray Israelita tan saray Ammonita.”

1 Samuel 17:43

Inkuantod kinen David, “Antoy gawaen mod satay baston? Abaloan mo sirin ya aso ak?” Kinerew to ya isamba na saray dios to si David.

1 Samuel 24:12

Sintinsiaan ita komun na Katawan, no siopad sikatay manggagaway maoges! Dusaen ka komun na Katawan lapud gagawaen mod siak, ta no siak ag ta ka pasakitan.

1 Samuel 25:39

Nen nadngelan nen David ya inatey si Nabal, inkuanto, “Nagalang so Katawan! Binmawid kinen Nabal lapud impamabaing tod siak. Say Katawan so angipaliis ed siak ya aripen to ed panggawak na maoges. Dinusa na Katawan si Nabal lapud kaogsan to.” Insan angibakiy David na mangibagan labay ton asawaen si Abigail.

1 Samuel 26:20

Ag mo komun aabuloyan a napatey ak ed arum a bansa, ya arawi ed Katawan. Akin et say ari na Israel anapen to ak a pateyen a singa sakey a lies? Akin et anapen to ak a singa sakey a manok ya atap?”

1 Samuel 26:4

angibaki na saray ispia. Nalmoan da a wadman a talagay Saul.