1 Samuel 24:11 - Maung A Balita Biblia

¹¹ Nengneng mo, ama, nengneng mo yay sankabembenan kon parti na saloy na kawes mo! Apatey ta ka la komun, balet saya labat lay ginerger ko. Diam nanengneng ya anggapoy kanunutan kon onlaban ed sika o pasakitan ka. Aanapen mo ak a pateyen anggaman ya anggapoy ginawak a maoges ed sika.

Maung a Balita Biblia

¹¹ Nengneng mo, ama, nengneng mo yay sankabembenan kon parti na saloy na kawes mo! Apatey ta ka la komun, balet saya labat lay ginerger ko. Diam nanengneng ya anggapoy kanunutan kon onlaban ed sika o pasakitan ka. Aanapen mo ak a pateyen anggaman ya anggapoy ginawak a maoges ed sika.

1 Samuel 24:11 Iomraidhean Croise

2 Samuel 1:14

Tinepet nen David ed sikato, “Akin et atepelan mon pinatey so lakin pinili na Katawan a manari?”

2 Saray Arari 5:13

Sinmingger ed sikato ray aripen to tan kuanda, “Amo, no mairap so imbagad sika na propita, ag mo komun gawaen. Natan ta mainomay, orasan moy sikan dili onung na imbaga to, ta ag la pigan onabig ka?”

Say Libro nen Job 10:16

No siak so onaligwas osilan mo ak a pateyen a singa lion; manggagawa ka na anggan saray milagro a mamasakit ed siak.

Saray Salmo 119:161

Saray makapanyarin totoo papairapen da ak ya anggan anggapoy makasengeg, balet papagalangan koy ganggan mo.

Saray Salmo 140:11

Ag komun manalo iray totoon mangaakusay tila ed kapara ran too; naosilan tan naderal komun na kaogsan iray totoon maruksa.

Saray Salmo 35:7

Anggan anggapoy makasengeg, pinatitan da ak tan angotkot iray aralem ya abut a pangerel dad siak.

Saray Salmo 59:3

Nengneng mo! Tatalaranan da ak a pateyen; mantitipon ya onlaban ed siak iray maruksan totoo. Aliwan lapud kasalanan o kaogsan a ginawak,

Saray Salmo 7:5

paosilan mo ak ed saray kalaban ko ta erelen da ak, pagatin-gatinan mo ak ya anggad ipatey ko, insan diad dabuk taynan day bangkay ko!

Probirbio 15:1

Say mapalnan ebat pakekepaen toy pasnuk, balet say ansakit ya ebat palolooren to.

Saray Tagleey 4:18

Babantayan kami na kalaban; ag kami anggan makakar ed saray dalan. Sinmabi lay oras mi, sinmabi lay anggaan mi.

Ezekiel 13:18

tan ibagam ed sikara so sasalitaen kod sikara, siak a Katawan a Dios: “Pakaskasiy kipapasen yo, sikayo ran bibii! Idadaitan yo ray totoo na abel ya ibariber dad ngalngalowan da tan ikakana rad panagsalamangka. Manggagawa kayo met na pandung da ray totoo tan ikakana ran pansalamangka, pian naoleyan da so bilay na saray arum a totoo. Pilalek yon naoleyan yo so bilay tan say patey na arum a totoo, pian makagamur kayo na bengatlan pankaabigan yo.

Mikias 7:2

Anggapo lay nakdaan ya anggan sakey a matonung a too ed bansa, anggapo lay toon matoor ed Dios. Balang sakey a too et manaalagar na pankanawnawa ton mamatey ed kapara ton too. Balang sakey et labay ton erelen so siopaman a kadalaan to.

Juan 15:25

Balet nakaukolan yan nagawa, pian nasumpal so nisulat ed Ganggan da, ‘Binosul da ak ya anggapoy makasengeg.’

1 Samuel 12:3

Nia ak natan ya akatalindeg ed arap yo. No walay ginawak a makapoy, akusa yo ak natan ed arap na Katawan tan diad arap na pinili ton ari. Walay inalak a bakan kayaryan na arum o asnon kayaryan na arum? Sinaol o pinairap koy siopaman? Angawat ak na pasoksok ed siopaman, kanyan nambulag-bulagan ak? No walay ginawak ed saraya, ipawil koy inalak.”

1 Samuel 18:27

si David tan saray totoo to linma ran amatey na duan lasus a Filisteo. Inawit toy baog na kayaryan na balang sakey tan imbilang tod ari, pian magmaliw a manugang to. Kanyan apasootan si Saul ya impaasawa tod kinen David si anak ton Micol.

1 Samuel 23:14

Nanaamut ed nipokdul a dalin si David diad kalawakan ya asingger ed Zif. Ag tinondaan nen Saul ya anapen, balet ag ipalima na Dios ed sikato.

1 Samuel 23:23

Anap yo ray petepeteg a pasen a panaamutan to, insan ki dia ompawil a tampol a mangibagad siak. Et no wadman nid saman a pasen, laen kon anapen ed anggan intiron dalin na Juda.”

1 Samuel 25:28

Pirdona mo ak pa, no wala bilang so maoges a ginawak. Say Katawan gawaen to kan ari, tan anggan saray kabyangay boleg mo, ta milalaban kad saray bakal na Katawan; ag ka manggaway kaogsan legay pambilay mo.

1 Samuel 26:18

Intuloy ton inkuan, “Akin et oosilan mo ak ni ya aripen mo? Anto tay ginawak a? Antoy ginawak a kasalanan?

1 Samuel 26:20

Ag mo komun aabuloyan a napatey ak ed arum a bansa, ya arawi ed Katawan. Akin et say ari na Israel anapen to ak a pateyen a singa sakey a lies? Akin et anapen to ak a singa sakey a manok ya atap?”

1 Samuel 26:23

Tumangan na Katawan iray matoor tan matonung. Impasilong ka natan na Katawan ed pakayarik, balet et ag ta ka diniwit, ta say Katawan ginawa kan ari.