1 Samuel 23:9 - Maung A Balita Biblia

⁹ Nen nadngelan nen David a getma nen Saul a dogpaan, inkuantod kinen Abiatar a pari, “Iyakar mo dia may ipod.”

Maung a Balita Biblia

⁹ Nen nadngelan nen David a getma nen Saul a dogpaan, inkuantod kinen Abiatar a pari, Iyakar mo dia may ipod.

1 Samuel 23:9 Iomraidhean Croise

1 Saray Arari 2:26

Insan inkuanen Ari Solomon ed kinen Abiatar a pari, “Sempet ka lad abung mod bario diad Anatot. Kanepegan moy ompatey, balet ag ta ka pateyen natan, lapud sikay nanasikasod Kaban na Sipanan legan a kaibam si amak a David tan lapud akidamay kad saray gunigon da.”

Jeremias 33:3

“Tawag kad siak, et ebatan ta ka; ibagak ed sika ray makapakelaw tan niamut a bengatlan ag mo ni ra akabatan.

Oseas 3:4

Diad singa onya, saray totood Israel mabaybayag iran mambilay ya anggapoy ari odino pangulo, anggapo ray bagat odino masanton lusek, anggapoy talintaoy diriyos odino imahin ya onkanad panagparles.

Saray Bilang 27:21

Diad kinen Eleazar a pari, diad pangikana to na Urim tan Tummim so pakaamtaan toy linawak. Onya so pangiwanwan nen Eleazar ed kinen Josue tan amin ya Israelita diad amin a gawaen da.”

Saray Gawgawa 14:6

Nen naamtaan ya na saray apostol, linma rad Listra tan Derbe, saray siudad na Licaonia, tan saray kaliber-liber a pasen.

Saray Gawgawa 9:24

balet akabatan to man a getma ra. Labi-agew dan binantayan so puirtay siudad, pian napatey da.

1 Samuel 10:22

tinepet dad Katawan, “Wala niy arum?” Inmebat so Katawan, “Wadmay Saul, onaamut ed kawalaay abasto.”

1 Samuel 14:18

“Awit yo dia may ipod” kuanen Saul ed kinen Ahias a pari. (Diad saman ya agew sankaawit nen Ahias ed onaan da ray Israelita.)

1 Samuel 22:20

Balet akabatik si Abiatar a sakey ed saray lalakin anak nen Ahimelec, tan akikasakey ed kinen David.

1 Samuel 23:10

Insan kuanen David, “Katawan a Dios na Israel, nadngelan kon getma nen Saul so onla diad Keila tan deralen to, lapud siak ya aripen mo.

1 Samuel 23:6

Nen si Abiatar a lakin anak nen Ahimelec et akabatik tan akikasakey ed kinen David ed Keila, inawit toy ipod.

1 Samuel 23:8

Kanyan tinawag to ray totoo to ta mibakal irad Keila, pian nadakep day David tan saray totoo to.

1 Samuel 30:7

Inkuanen David ed kinen Abiatar a pari tan lakin anak nen Ahimelec, “Iyakar mo dia may ipod,” et inyakar nen Abiatar ed sikato.