1 Samuel 23:3 - Maung A Balita Biblia

³ Balet inkuan ed sikato na saray totoo to, “Antakot kami la diad Juda; aloor so takot mi no onla tayod Keila tan dogpaan tayo ray sondalon Filisteo!”

Maung a Balita Biblia

³ Balet inkuan ed sikato na saray totoo to, Antakot kami la diad Juda; aloor so takot mi no onla tayod Keila tan dogpaan tayo ray sondalon Filisteo!

1 Samuel 23:3 Iomraidhean Croise

Saray Salmo 11:1

Say Katawan so sasalimbengan ko. Panoy pangibaga na siopaman ed siak, “Tikyab kan singa manok ed kapalandeyan,

Jeremias 12:5

Inkuan na Katawan, “Jeremias, no nakesawan kad pilumbam ed saray totoo, panoy pilumbam ed saray kabayo? No diad pasen ya arawiy kaatapan et natumba ka, panoy pakapanayam mod makdel a takel ed gilig na Ilog na Jordan?

1 Samuel 23:15

Antakot si David, ta anapen nen Saul a pateyen. Si David walad Hores, diad kalawakan ya asingger ed Zif.

1 Samuel 23:2

Kanyan tinepet tod Katawan, “Laen kon dogpaan iray Filisteo?” “On,” ebat na Katawan. “Dogpaan mo ra tan iyagel moy Keila.”

1 Samuel 23:23

Anap yo ray petepeteg a pasen a panaamutan to, insan ki dia ompawil a tampol a mangibagad siak. Et no wadman nid saman a pasen, laen kon anapen ed anggan intiron dalin na Juda.”

1 Samuel 23:26

Si Saul tan saray totoo to et wala rad sakey a dapag na pokdul, balet si David tan saray totoo to et wala rad biek a dapag to man a pokdul. Maganat dan ibabatikan si Saul tan saray totoo to, ta manasingger la rad sikara tan ngalngali la ra nadakep.

1 Samuel 23:4

Kanyan impanon lamet nen David ed Katawan, tan imbagay Katawan ed sikato, “Lakad Keila tan dogpaan mo ray Filisteo ta panaloen ta kad sikara.”