1 Samuel 23:10 - Maung A Balita Biblia

¹⁰ Insan kuanen David, “Katawan a Dios na Israel, nadngelan kon getma nen Saul so onla diad Keila tan deralen to, lapud siak ya aripen mo.

Maung a Balita Biblia

¹⁰ Insan kuanen David, KATAWAN a Dios na Israel, nadngelan kon getma nen Saul so onla diad Keila tan deralen to, lapud siak ya aripen mo.

1 Samuel 23:10 Iomraidhean Croise

Genesis 18:24

No wala bilang ed siudad so limamplon totoo a matonung, deralen mo nin siansiay intiron siudad? Ag mo kasi palabasen, pian nilaban ira may limamplo?

Ester 3:6

Nen akabatan to met a sakey a Judio si Mardokeo, ginetma to, ya ag to labat dusaen si Mardokeo no ag ingen pateyen iray amin a Judio a walad intiron Impirio na Persia.

Probirbio 28:15

Pakaskasi ray mairap-bilay ed silong na maoges a manoley; aliling toy mangwam a lion odino liber-liber ya aso.

1 Samuel 22:19

Impapatey met nen Saul iray arum ni ran manaayam ed Nob, say siudad da ray papari; bibii tan lalaki, ogogaw tan saray mansususo, saray baka, saray asno, tan saray karniro—apatey iran amin.

1 Samuel 23:11

Ipalima ak kasi na saray totood Keila ed kinen Saul? Talaga kasin onla diay Saul onung na nadngelan ko? Katawan a Dios na Israel, pikasik ya ebatan mo ak!” Inmebat so Katawan, “Onsabiy Saul.”

1 Samuel 23:8

Kanyan tinawag to ray totoo to ta mibakal irad Keila, pian nadakep day David tan saray totoo to.

1 Samuel 23:9

Nen nadngelan nen David a getma nen Saul a dogpaan, inkuantod kinen Abiatar a pari, “Iyakar mo dia may ipod.”