1 Samuel 22:19 - Maung A Balita Biblia

¹⁹ Impapatey met nen Saul iray arum ni ran manaayam ed Nob, say siudad da ray papari; bibii tan lalaki, ogogaw tan saray mansususo, saray baka, saray asno, tan saray karniro—apatey iran amin.

Maung a Balita Biblia

¹⁹ Impapatey met nen Saul iray arum ni ran manaayam ed Nob, say siudad da ray papari; bibii tan lalaki, ogogaw tan saray mansususo, saray baka, saray asno, tan saray karniroapatey iran amin.

1 Samuel 22:19 Iomraidhean Croise

Nehemias 11:32

Anatot, Nob, Ananias,

Isaias 10:32

Wala la natad sayan agew ed baley na Nob iray kalaban, tan aayagan day poniti so Palandey na Sion tan say siudad na Jerusalem.

Oseas 10:14

ondalan ed saray totoo yo so bakal, tan naderal iray tirinsira yo. Sayan nagawa et singa samay agew a si Ari Salman et dineral tod bakal so siudad na Bet-arbel, tan saray kainaan tan saray anak da et nibasig-basig ira ya anggad ag da impatey.

Mateo 21:16

Tinepet dad kinen Jesus, “Narerengel moy ibabaga ra?” “Narerengel ko,” ebat to. “Ag yo ta ni abasad Masanton Sulat? ‘Imbangat mo ray ogogaw tan saray mansususo a mangiter na nagnap a dayew.’”

Santiago 2:13

Ta diad panagsintinsiay Dios, ag to kasiay toon ag to amtay mangasi; balet say panangasi taloen toy sintinsia.

Josue 6:17

Say siudad tan amin a logan to et nepeg a sigput iran deralen tan ibagat irad Katawan. Si Rahab a marotak a bii tan saray kabyangay pamilya to labat so ag yo didiwiten, lapud inyamut to ray ispia tayo.

Josue 6:21

Pinapatey dad panamegley na ispada iray amin a walad siudad, lalaki may bibii, malangwer may matakken. Pinapatey da met iray baka, karniro, tan saray asno.

1 Samuel 15:3

Laka, ta dogpaan mo ray Amalecita, tan deral mon sigput so antokaman a walad sikara. Ag kan balut mangikekera; patey mo ray amin a lalaki, bibii, ogogaw, tan amin a kapangyanak; saray baka, karniro, kamilyo, tan saray asno.”

1 Samuel 15:8

dinakep dan mabilay si Agag ya ari da ray Amalecita, balet pinatey dad panamegley na ispada iray amin a totoo.

1 Samuel 15:9

Si Saul tan saray totoo to et ag da pinatey si Agag, tan ag da met pinatey iray sankaabigan a karniro, baka, saray kilaw na baka tan kordiro, tan amin a bengatlan walay kana; dineral da balet iray amin ya andi-kana o aliwliwa.

1 Samuel 21:1

Linmay David ed kinen pari Ahimelec diad Nob. Manggiwgiw si Ahimelec a pinmaway a mangabet ed sikato tan tinepet to, “Akin et bukbukor moy linma dia?”

1 Samuel 22:11

Kanyan impaawit nen Ari Saul si Ahimelec a pari tan amin a kakanayon to a papari met ira diad Nob, tan linma rad sikato.

1 Samuel 22:9

Si Doeg a taga Edom et manalalagey diman a kaiba na saray opisyal nen Saul, tan inkuanto, “Anengneng koy David nen linmad kinen Ahimelec ya anak nen Ahitub diad Nob.