1 Samuel 22:10 - Maung A Balita Biblia

¹⁰ Tinepet nen Ahimelec ed KATAWAN no antoy nepeg a gawaen nen David, insan initdan toy nakan tan inter to may ispada nen Goliat a Filisteo.”

Maung a Balita Biblia

¹⁰ Tinepet nen Ahimelec ed KATAWAN no antoy nepeg a gawaen nen David, insan initdan toy nakan tan inter to may ispada nen Goliat a Filisteo.

1 Samuel 22:10 Iomraidhean Croise

Saray Bilang 27:21

Diad kinen Eleazar a pari, diad pangikana to na Urim tan Tummim so pakaamtaan toy linawak. Onya so pangiwanwan nen Eleazar ed kinen Josue tan amin ya Israelita diad amin a gawaen da.”

1 Samuel 10:22

tinepet dad Katawan, “Wala niy arum?” Inmebat so Katawan, “Wadmay Saul, onaamut ed kawalaay abasto.”

1 Samuel 21:10

Kanyan tinmaynan si David, imbatikan toy Saul, tan linmad kinen Ari Akis na Gat.

1 Samuel 22:11

Kanyan impaawit nen Ari Saul si Ahimelec a pari tan amin a kakanayon to a papari met ira diad Nob, tan linma rad sikato.

1 Samuel 22:13

Tinepet nen Saul, “Akin et pankokomplutan yo ak nen David? Akin et initdan moy nakan tan sakey ya ispada, tan impanonan mod Dios? Natan sinumlang to ak tan manaalagar na pankanawnawan pamatey tod siak!”

1 Samuel 22:15

On, impanonan kod Dios, tan amimpiga la yan ginawak. No nipaakar ed pankokomplut ya ibabagam, ag mo ak aakusaen tan say siopaman ed pamilyak. Anggapoy pakapikabat kod sayan pamaakaran!”

1 Samuel 23:12

“Siak kasi tan saray totook et ipalima na saray totood Keila ed kinen Saul?” tepet lamet nen David. “On, ipalima da kayo,” ebat na Katawan.

1 Samuel 23:2

Kanyan tinepet tod Katawan, “Laen kon dogpaan iray Filisteo?” “On,” ebat na Katawan. “Dogpaan mo ra tan iyagel moy Keila.”

1 Samuel 23:4

Kanyan impanon lamet nen David ed Katawan, tan imbagay Katawan ed sikato, “Lakad Keila tan dogpaan mo ray Filisteo ta panaloen ta kad sikara.”

1 Samuel 30:8

Tinepet nen David ed Katawan, “Osilan ko ray dinmogpa? Naabot ko ni ra kasi?” Inmebat so Katawan, “Osilan mo ra: andi-duaruwan naabot mo ra tan nabawim iray adakep.”