1 Samuel 20:8 - Maung A Balita Biblia

⁸ Ipangasim pan gawaen ya para siak, tan sumpal moy masanton sipanan ta. Balet no nankasalanan ak, sika lan diliy mamatey ed siak! Akin et abuloyan mon say amam so manggawa?”

Maung a Balita Biblia

⁸ Ipangasim pan gawaen ya para siak, tan sumpal moy masanton sipanan ta. Balet no nankasalanan ak, sika lan diliy mamatey ed siak! Akin et abuloyan mon say amam so manggawa?

1 Samuel 20:8 Iomraidhean Croise

Genesis 24:49

Natan, no maliket kayon manumpal na kanepegan yo tan gawaen yod kinen amok so manepeg, ibaga yo; no andi, ibaga yo met, pian amtak so gawaen ko.”

Genesis 47:29

Nen asingger lan ompatey, impatawag toy anak ton Jose tan inkuantod sikato, “Iyan moy limam ed nanleetan na saray ulpok tan isipan mo ya ag mo ak ipopompon ed Egipto.

2 Samuel 14:32

Inmebat si Absalom, “Ag ka ondago nen impatawag ta kan onla dia, pian nibaki ta kad ari ya ontepet diad ngaran ko: ‘Akin et tinaynan ko niy Gesur tan linma ak dia? Maung la laingen no ag ak inmalis diman.’” Intuloy nen Absalom so nansalita, “Gawam so polaing a pakapitongtong kod ari, tan no walay kasalanan ko, papatey mo ak ed sikato.”

1 Saray Awaran 12:17

Inabet ira nen David tan kuanto, “No linma kayo dian kakaaro ya ontulong ed siak, maliket ta kayon awaten. Balet no nunot yon itapat ak ed saray kalaban to, anggaman ya anggapoy maoges a ginawak ed sikayo, naamtaan na Dios na saray lalaki tayo so gawaen yo et dusaen to kayo.”

Saray Salmo 116:11

anggan nen natatakot ak, inkuanko, “Anggapoy toon napampiaan.”

Probirbio 3:3

Ag mo ikakaindan so katotoluk tan say inkatoor. Isinger mo rad beklew mo tan isulat mo rad pusom.

Saray Gawgawa 25:11

No sinumpak so ganggan o nanggawa ak na antokaman a nepeg a pakadusaan koy patey, sipaparaan ak ya ompatey. Balet no anggapoy katwaan da ray ipapakasalanan dad siak, anggapoy makapangipalimad siak ed sikara. Say Impirador so aapirengan ko.”

Josue 2:14

Saramay lalaki kuandad sikato, “Babawien komun na Dios so bilay mi no ag mi tooren so ibaga mi! No ag mo ibagad siopaman so gagawaen mi, isipan mid sika a no inter la na Katawan ed sikami yan dalin, kasian mi kayo, ag mi kayon balut diwiten, sika tan saray kabyangay pamilyam.”

Josue 22:22

“Say Makapanyari et say Dios! Sikato so Katawan! Say Makapanyari et say Dios! Sikato so Katawan! Amta to no akin et ginawa mi yan altar, tan labay mi met a naamtaan yo no akin! No sinumpa mi so Katawan tan inekal miy pananisia mid sikato, patey yo kami la natan.

Ruth 1:8

inkuanen Noemi ed sikara, “Pawil ki la, tan miamung ki lad kainaan yo. Maung komuy ipanengneng na Katawan ed sikayo a singa kamaungan ya impanengneng yod siak tan saramay inaatey.

1 Samuel 18:1

Asumpal a nantongtong si Saul tan si David, kayari to ya, si Jonatan a lakin anak nen Saul et naayat a maung ed kinen David tan inaro ton singa panangaro tod sikaton dili.

1 Samuel 18:3

Si Jonatan akisipanan a mikaaron anggad angga ed kinen David, ta inaro to a singa panangaro tod sikaton dili.

1 Samuel 20:16

mansiansia ni komun so sipanan tan dua. No ag natoor, dusaen ka na Katawan.”

1 Samuel 20:9

Inmebat si Jonatan, “Ag ka mannununot na ontan! No amtak a talagan walay maoges a getma nen amak, imbagak la komun ed sika.”

1 Samuel 23:18

Nanggawa ray masanton sipanan a mankaaro ra lawas. Tinmilak ed Hores si David, tan sinmempet lay Jonatan.