1 Samuel 20:41 - Maung A Balita Biblia

⁴¹ Kasiput to may ogaw, pinmaway ed abonbonton iran bato si David, tinmalimukor tan amitlon dinmakmomo ya anggad dalin. Manakis iran dua nen Jonatan legan dan nanlakapan; maermen niy David nen si Jonatan.

Maung a Balita Biblia

⁴¹ Kasiput to may ogaw, pinmaway ed abonbonton iran bato si David, tinmalimukor tan amitlon dinmakmomo ya anggad dalin. Manakis iran dua nen Jonatan legan dan nanlakapan; maermen niy David nen si Jonatan.

1 Samuel 20:41 Iomraidhean Croise

Genesis 29:11

Insan to inanguban si Raquel, tan manakis ed liket to.

Genesis 29:13

Nen nadngel nen Laban so balitan nipaakar ed kinen kaanakan ton Jacob, binatik ton inabet, nilakap to tan inanguban to, insan to intagar ed abung to. Nen imbaga nen Jacob so amin ya agawa,

Genesis 33:4

Balet binatik nen Esau ya inabet, nilakap to, insan to inanguban. Manakis iran dua.

Genesis 42:6

Si Jose, lapud sikatoy gobirnador na Egipto, so manlalako na ilik ed saray totood intiron mundo. Sinmabi ra may agagi to, tan dinmakmomo rad sikato ya anggad dalin so lupa ra.

Genesis 43:28

Inmebat ira, “Say ama mi a mugmon aripen mo et mabilay ni tan maksil ni.” Insan tinmalimukor ira tan tinmuek irad sikato.

Genesis 45:15

Manakakis ni nen nilalakap tan inaanguban ton sansakey iray agagi to. Kasumpal to ya, akitongtong ed sikato ray agagi to.

2 Samuel 1:2

Diad mikatlon agew sinmabiy sakey a balolakin nanlapud kampo nen Saul. Diad pangipanengneng toy ermen to pinipilat toy kawes to tan ininan toy dabuk so olo to. Linmad kinen David tan dinmakmomo ya anggad dalin a pamagalang to.

2 Samuel 1:26

“Panermenan ta ka, agik a Jonatan; pinabpabli ta ka! Makapakelaw so panangarom ed siak, pinalabsanan toy anggan say panangaro na saray bibii.

2 Samuel 14:4

Linma may bii ed ari, dinmakmomo ya anggad dalin a pamagalang to, tan kuanto, “Tulongan mo ak pa, Kagalang kon Ari!”

2 Samuel 19:39

Insan binaliw nen David tan saray totoo to so Jordan. Inanguban toy Barzillai tan binindisionan to, insan la sinmempet si Barzillai.

2 Samuel 9:6

Nen sinmabiy Mefiboset a lakin anak nen Jonatan tan apo nen Saul, dinmakmomod kinen David a pangigalang to. Inkuanen David, “Mefiboset,” insan inmebat, “Wadya ak ya aripen mo.”

1 Saray Arari 1:16

Dinmakmomo si Bat-seba a pamagalang tod ari, insan tinepet na ari ed sikato, “Antoy labay mo?”

1 Saray Arari 1:23

Nibagad ari a sinmabiy propita Natan. Linmoob si Natan, insan dinmakmomod arap na ari.

1 Saray Arari 1:31

Dinmakmomo si Bat-seba a pamagalang to tan kuanto, “Mambilay komun ed ando lan ando so Kagalang ya Ari!”

Saray Gawgawa 20:37

Manakakis iran amin a linmalakap tan inmaangub ed kinen Pablo.

1 Samuel 10:1

Insan angalay Samuel na sakey a botilyan larak na oliba tan inkalbo tod olo nen Saul, inanguban to, tan kuanto, “Say Katawan lalanaan to kan manoley ed saray totoo ton Israelita. Oleyan mo ray totoo to tan iyagel mo rad saray kalaban da. Saya so pakapatnagan mo a pinili say Katawan a manoley ed saray totoo to.

1 Samuel 18:3

Si Jonatan akisipanan a mikaaron anggad angga ed kinen David, ta inaro to a singa panangaro tod sikaton dili.

1 Samuel 20:40

Inter nen Jonatan iray armas to ed samay ogaw tan impaipawil to rad baley.

1 Samuel 24:9

tan kuanto, “Akin et dedengelen mo ray totoon mangibabaga a pasakitan ta ka?

1 Samuel 25:23

Nen anengneng nen Abigail si David, inmepas a tampol tan tinmikleb ed dalin,