1 Samuel 20:30 - Maung A Balita Biblia

³⁰ Ampetang so olo nen Saul ed kinen Jonatan tan kuantod sikato, “Anak kay maoges tan mananumpan bii! Amtak la natan a pipilaan moy David, tan papabandayen moy sikan dili tan si inam!

Maung a Balita Biblia

³⁰ Ampetang so olo nen Saul ed kinen Jonatan tan kuantod sikato, Anak kay maoges tan mananumpan bii! Amtak la natan a pipilaan moy David, tan papabandayen moy sikan dili tan si inam!

1 Samuel 20:30 Iomraidhean Croise

Say Libro nen Job 5:2

Inaambagel tan andi-kakanaan so alablabas a panggunigon tan pansakit na linawa.

Probirbio 14:29

No ambetel so olom makabat ka, balet no mipepetang so olom ipapanengneng mo so ontan lan inkakulang-kulang mo.

Probirbio 15:2

No mansalita ray makabat a totoo, parakepen day pakatalus, balet andi-kabaliksan so lalabiren da ray makulang-kulang.

Probirbio 19:12

Say pasnuk na sakey ya ari et singa nguam na lion, balet say maung a linawa to et singa oran a pampipilalekan.

Probirbio 19:19

No mapetang so olo na sakey a too, paolyan mod pansumpalan to. No agwaten mon maminsan ed gunigon, nakaukolan a gawaen mo lamet.

Probirbio 21:24

Ipanengneng mod siak so toon mapaatagey et ipanengneng kod sikay toon malastug, matangsit, tan anggapoy panangasi.

Probirbio 25:28

No ag mo napokpokay sikan dili, singa ka siudad a mainomay a dogpaan lapud anggapoy padir to.

Probirbio 27:3

Anlemew niy bato tan buer nen say golo a nagawaan na inkakulang-kulang.

Mateo 5:22

Balet ibagak ed sikayo natan: siopamay mampasnuk ed agi to, nayarin walay ebatan tod huis. Siopamay mamabaing ed agi to, nayarin walay ebatan tod Sanidrin. Siopamay mangikuan ed agi to, ‘Ambagel ka!’ nayarin onlad apoy na impirno.

TAGA-EFESO 4:31

Ekal yo lad bilay yoy sakit na linawa, alabas a pasnuk tan bosul. Ag ki la maneeyagan, mampapaogesan, o maniirapay linawa.

TAGA-EFESO 6:4

Atateng, apiger yoy kagagawa yod anak yo pian ag yo ra napampasnuk. Ingen, pabaleg yo ra onung ed panagdisiplina tan panamilin na Katawan.

1 Samuel 20:29

Inkuanto, ‘Abuloyan mo pan onla ak, ta say pamilyak et onla rad baley a mangibagat, tan imbilin nen kuyak a nepeg koy onlad man. Kanyan no talagan kaaro mo ak, abuloyan mo ak ya onla, pian nanengneng ko ray kakanayon ko!’ Sikato yay makasengeg no akin et anggapod pasen to diad lamisaan yo.”

1 Samuel 20:31

Ag mo ta amtan no mabilay si David et ag kan balut magmaliw ya ari ed sayan bansa? Laka, ta awit mo dia—nepeg ya ompatey!”