1 Samuel 20:16 - Maung A Balita Biblia

¹⁶ mansiansia ni komun so sipanan tan dua. No ag natoor, dusaen ka na Katawan.”

Maung a Balita Biblia

¹⁶ mansiansia ni komun so sipanan tan dua. No ag natoor, dusaen ka na Katawan.

1 Samuel 20:16 Iomraidhean Croise

Genesis 15:18

Diad saman ya agew, akisipanan so Dios ed kinen Abram. Inkuanto, “Isipan kon iter ed saray kabyangay boleg mo yan dalin, manlapud ketegan na Egipto ya anggad Ilog na Eufrates,

2 Samuel 21:8

Balet inala toy Armoni tan si Mefiboset, saray duaran lalakin anak nen Saul ed kinen Rizpa ya anak nen Aya. Inala to met iray limaran lalakin anak nen Merab a biin anak nen Saul; sikaray anak dan dua nen Adriel ya anak nen Barzillai a taga Mehola.

Jeremias 40:9

Inkuanen Gedalias ed sikara, “Isipasipan kod sikayo ya anggapoy nepeg yon takotan diad isuko yod saray taga Babilonia. Manayam kayod sayan dalin tan panlingkuran yoy ari na Babilonia, et maung so pansumpalan yo.

Deuteronomio 23:21

“No manggawa kayoy sinambaan a sipan ed Katawan a Dios yo, sumpal yon sumpal; say Katawan anapen tod sikayo so insipan yo, tan kasalanan yo no ag yo iter so insipan yo.

Josue 22:23

No sinumpa miy Katawan ta nanggawa kamiy altar min dili a pampoolan mid saray bagat odino ikana min pangisaklangan na saray bagat a trigo odino saray bagat a para kareenan, sikato lan dili so manusad sikami.

1 Samuel 18:3

Si Jonatan akisipanan a mikaaron anggad angga ed kinen David, ta inaro to a singa panangaro tod sikaton dili.

1 Samuel 20:42

Insan inkuanen Jonatan ed kinen David, “Wala komuy Dios ed sika. Andi-duaruwan ontulong so Katawan pian sika tan siak, saray kabyangan na boleg mo tan saray kabyangan na boleg ko, et tooren tayon anggad angga so masanton sipanan tan dua.” Insan tinmaynan lay David tan amawil lad baley si Jonatan.

1 Samuel 22:8

Sikato yay makasengeg a pankokomplutan yo ak? Anggapoy anggan sakey ed sikayo so angidalem ed siak ya akigampid kinen David so dilin anak ko. Anggapoy anggan sakey ed sikayoy angabagey ed siak o mangibagad siak a si David a sakey ed saray dilin totook, et manaanap natan na pankanawnawan pamatey tod siak, tan say anak kon dili so ananggoyur ed sikato!”

1 Samuel 23:18

Nanggawa ray masanton sipanan a mankaaro ra lawas. Tinmilak ed Hores si David, tan sinmempet lay Jonatan.

1 Samuel 25:22

Pateyen ak komun na Dios no kasabiy kabwasan et walay inkerak a mabilay a lakin kaiba to!”

1 Samuel 25:26

Say Katawan so manesebel a sikan dili so ombawi tan mamatey ed saray kalaban mo. Natan sambaan ko diad ngaran na mabilay a Katawan a nadusan singa si Nabal iray kalaban mo tan amin da ray malabay a mamasakit ed sika.

1 Samuel 31:2

Nabot na saray Filisteo si Saul tan saray lalakin anak to, tan pinatey da ray talora ed saray anak to a di Jonatan, Abinadab, tan Milkisua.