1 Samuel 2:9 - Maung A Balita Biblia

⁹ “Iyagel toy bilay da ray totoo ton matoor, balet naandipat ed kabilongetan iray totoon maoges; ag manalo so too lapud biskeg ton dili.

Maung a Balita Biblia

⁹ Iyagel toy bilay da ray totoo ton matoor, balet naandipat ed kabilongetan iray totoon maoges; ag manalo so too lapud biskeg ton dili.

1 Samuel 2:9 Iomraidhean Croise

Say Libro nen Job 18:18

Taynan to lay liwawa ya onarap ed kabilongetan; taynan to lay tapew na dalin.

Say Libro nen Job 40:13

Ipompon mo ran amin ed dalin; balur mo ra ed pasen a kawalaan da ray inaatey.

Say Libro nen Job 5:16

Iitdan toy ilalo iray mairap-bilay, tan ag to paeeselen iray totoon maoges.

Say Libro nen Job 5:24

Insan ka manayam a walay kareenan diad dalem na tuldam; no nengnengen mo ray karnirom, arawi rad kaatapan.

Saray Salmo 1:6

Say Katawan iwawanwan tan iyaagel to so toon matonung, balet nabalang ya anggad angga so toon maoges.

Saray Salmo 105:37

Pinapaway tod satan iray Israelita; nanaawit iray balituk tan saray pilak; mabiskeg tan maabig so laman dan amin.

Saray Salmo 121:3

Ag to iyabuloy a natumba ka; abangon lawas so manangyagel mo!

Saray Salmo 121:5

Bantayan ka na Katawan; walad abay mo a mangyagel ed sika.

Saray Salmo 121:8

Iyagel to ka no onla kad laen mo tan no ompawil ka, natan tan anggad angga.

Saray Salmo 145:20

Iyaagel to ray amin a maarod sikato, balet deralen to ray amin a totoon maoges.

Saray Salmo 31:17

Ontatawag ak ed sika, Katawan; ag mo pa iyaabuloy a napelag ak ed kababaingan. Saray maoges komun so napelag ed kababaingan; nakalkalnaan ira komun a nibaki ed panaayaman da ray inaatey.

Saray Salmo 37:28

ta say Katawan inaro toy kaptekan, tan ag to ikakaindan iray matoor a totoo to. Iyaagel to ra lawas, balet saray kabyangay boleg na totoon maoges et napagit ira.

Saray Salmo 94:18

Kuanko, “Natutumba ak”; balet inampaya ak na ag mangoman a panangarom, O Katawan.

Saray Salmo 97:10

Inaro na Katawan iray mamobosul na kaogsan; iyaagel toy bilay na saray totoo to, ilalaban to rad pakayari da ray totoon maoges.

Probirbio 16:9

Nayarin mamplano ka, balet say Katawan so mangiwawanwan ed saray gawam.

Probirbio 2:8

Iyaagel tod kaatapan iray matonung so pipiolup dad kapara ran too, tan aantabayen to ray matoor ed sikato.

Probirbio 3:26

Say Katawan iyarawi to kad kaatapan. Ag to iyabuloy a napelag ka ed patit.

Ecclesiastes 5:17

Nagunggona tayoy mambilay a walay bilonget tan ermen, magunigon, mapasnuk, tan walay sakit.

Ecclesiastes 9:11

Wala niy sakey a naamtaan ko, a diad sayan mundo ag manatalo lawas ed saray lumba iray mabatik, tan ag manatalo lawas ed saray bakal iray masebeg. Saray makabat et aliwan lawas a walay anapay-bilay da, ag lawas onyayaman iray maung ya impanotek, tan ag lawas onaatagey ed kipapasen iray marunong. Say maoges a kapalaran onsasabi ed balang sakey.

Isaias 27:3

“Babantayan koy kaubasan ko tan sasalogen ko lawas. Guaguardiaan ko ed agew tan labi, pian anggapoy manderal ed sikato.

Isaias 47:5

Say Katawan kuantod Babilonia, “Yorung kan andi eseesel tan dia kad ambilonget a pasen; ag da ka la tawagen a riyna na saray bansa!

Jeremias 8:14

“Akin et wadya itayon manyodyorung ya ag onggalaw?” tepet na saray totooy Dios. “Onla itayo la, ta ombatik itayod saray siudad a pinaliberay padir, tan diman ti la ompatey. Say Katawan a Dios tayo sinintinsiaan to itayon ompatey; initdan to tayo na samal ya inomen, lapud nankasalanan itayod sikato.

Jeremias 9:23

Say Katawan kuanto, “Ag nepeg ya ipasirayew na saray makabat a totoo so kakabatan da, odino saray mabiskeg a totoo so biskeg da, odino saray mayaman a totoo so kayamanan da.

Nahum 1:8

Say Katawan et singa baleg tan maples a delap a sigput ton dederalen iray kalaban to; ibabaki tod patey da iray onsusumlang ed sikato.

Sofonias 1:15

Sakey ya agew na sanuk, agew na gunigon tan kaermenan, agew na deral tan bagbag, agew ya ambilonget tan mayemyem, agew ya andeket tan malorem,

Zacarias 4:6

Samay anghil imbaga tod kinen Zorobabel ira yan salita na Katawan: “Mampalabo ka, aliwan lapud pakapanyari na saray sondalo odino lapud dilin biskeg mo, no ag ingen lapud ispirituk.

Saray Bilang 6:24

Bindisionan kayo komun na Katawan tan talimaen to kayo;

Mateo 8:12

Balet saray nepeg day walad Panarian et nibantak irad paway ya ambilbilonget, tan diman ira onakis tan onngayet iray ngipen da.”

Saray Taga Roma 3:19

Natan amta tayo ya amin iray walad Ganggan et para saray walad silong na Ganggan, pian napatonda toy pambabaraan na amin a katoowan tan napasilong tod panagsintinsia na Dios so sankamundoan.

Deuteronomio 33:3

Inaro na Katawan iray totoo to tan iyaagel to ray totoon kayaryan to. Kanyan ondakmomo itayod saliyan to tan onuren tayo ray ganggan to.

1 Pedro 1:5

Lapud mananisia kayo, sasalimbengan kayo na pakayariy Dios legan yon aalagden so kilalaban ya akaparaan lan nipaamta ed kaonuray panaon.

2 Pedro 2:17

Say kapara na sarayan tila-tilan bumabangat et saray sobul a nakatan tan lorem ya impalig na bagyo. Say Dios imparaanan to la ra na sankabilongetan a pasen.

Judas 1:1

Sayan sulat nanlapud kinen Judas ya aripen nen Jesu-Cristo, tan agi nen Santiago— Diad saray tinawag na Dios a mambibilay irad panangaroy Dios Ama tan panagtalima nen Jesu-Cristo:

Judas 1:13

Singa ra ankakabaleg a daluyon ed dayat a saray makapabaing a gawa so bora ra. Singa ra abalbalang a bitewen a nigana rad anggad anggan sankabilongetan a pasen.

Judas 1:3

Inararon agagi, gagawaen ko lawariy anggaay nayarian kon mansulat ed sikayo nipaakar ed kilalaban tayo. Balet lapud amtak a sikato yay nakaukolan, apasootan ak a sulaten ta kayo natan pian tanggoyuren ta kayon mangitalindeg na pananisian inter na Dios ya amimpinsan ed saray totoo to.

1 Samuel 25:26

Say Katawan so manesebel a sikan dili so ombawi tan mamatey ed saray kalaban mo. Natan sambaan ko diad ngaran na mabilay a Katawan a nadusan singa si Nabal iray kalaban mo tan amin da ray malabay a mamasakit ed sika.