1 Samuel 2:36 - Maung A Balita Biblia

³⁶ Siopaman ed saray kabyangay pamilyam so mansiansian mabilay et nakaukolan ya onlan mikerew ed sayan pari na kuarta tan say nakan, tan onkerew na abuloy ya ontulong ed saray papari, pian nawalaan na pambilay.’”

Maung a Balita Biblia

³⁶ Siopaman ed saray kabyangay pamilyam so mansiansian mabilay et nakaukolan ya onlan mikerew ed sayan pari na kuarta tan say nakan, tan onkerew na abuloy ya ontulong ed saray papari, pian nawalaan na pambilay.

1 Samuel 2:36 Iomraidhean Croise

1 Saray Arari 2:27

Kanyan pinaekal nen Solomon si Abiatar ed kipapasen ton pari na Katawan; lapud saya apatwa so sinalita na Katawan diad Silo nipaakar ed kinen Eli a pari tan saray kabyangay boleg to.

2 Saray Arari 23:9

Ag naabuloyan a manlingkur ed dalem na Timplo ira may papari, balet nayarian day mangan na anggapoy libaduran tinapay a niparaan para saray kapara ran papari.

Probirbio 14:19

Saray totoon maoges nakaukolan ya onsuko ra ed saray totoon matonung, tan mampaabeba ran onkerew na tulong ed sikara.

Malakias 1:13

Ibabaga yo, ‘Onsasawa kami lad sarayan amin!’ Insan yo ak kokobibitan. Mangibabagat kayod siak na tinakew ya ayep odino piley odino mansasakit. Abaloan yo awaten ko tan ed sikayo?

Saray Huis 17:10

Inkuanen Micaya, “Manayam ka diad siak. Sikay magmaliw a sumisimbawak tan parik, et itdan ta ka, kapag sakey taon, na samploran pilak a kuarta, pigaran kawes, tan say kanen mo.”

1 Samuel 2:35

Mamili ak na sakey a parin matoor ed siak tan manggaway amin ya ibagak ed sikato. Itdan ko na saray kabyangay boleg to tan manlingkur ira lawas ed arap na pinilik ya ari.

1 Samuel 3:1

Diad saraman ya agew nen si ogaw a Samuel et manlilingkur ed Katawan diad silong na panangiwanwan nen Eli, mataltalag a narengel so bosis na Katawan, tan pigpigaray nagagawan payawar to.