1 Samuel 2:35 - Maung A Balita Biblia

³⁵ Mamili ak na sakey a parin matoor ed siak tan manggaway amin ya ibagak ed sikato. Itdan ko na saray kabyangay boleg to tan manlingkur ira lawas ed arap na pinilik ya ari.

Maung a Balita Biblia

³⁵ Mamili ak na sakey a parin matoor ed siak tan manggaway amin ya ibagak ed sikato. Itdan ko na saray kabyangay boleg to tan manlingkur ira lawas ed arap na pinilik ya ari.

1 Samuel 2:35 Iomraidhean Croise

2 Samuel 7:27

O Katawan a Makapanyarin-amin a Dios na Israel! Matalek kon ipikasi yad sika, ta impuyan mo yan amin ed siak ya aripen mo, tan imbagam ed siak a gawaen mon arari iray kabyangay boleg ko.

1 Saray Arari 1:45

insan diad Gihon di Sadoc tan Natan et nilanaan da a manari. Linma rad satan ed siudad, maneeyag-eyag ed liket iray totoo, tan natan wadman iran magolo-golon ingal lan ingal. Sikato man imay kadkadngel yon ingal.

1 Saray Arari 1:8

Balet ag akigampid sikato si Sadoc a pari, si Benaya a lakin anak nen Jehoyada, si Natan a propita, si Simei, si Rei, tan saray umaantabay ed kinen David.

1 Saray Arari 11:38

Wala ak lawas ed sika no sigput ya onuren mo ak tan gawaen moy linawak diad panumpal mod saray ganggan tan saray bilin ko a singa ginawa nen David ya aripen ko. Gawaen ta kan ari na Israel tan pansiansiaen ko a saray kabyangay boleg mo so onsalat ed sikan manoley, a singa samay ginawak ed kinen David.

1 Saray Arari 2:35

Si Benaya so insalat na ari ed kinen Joab a pangulo na saray sondalo, tan si Sadoc a pari so insalat tod kinen Abiatar.

1 Saray Awaran 29:22

Kanyan diad saman ya agew malikeliket ira legan dan nanaakan tan naniinom diad arap na Katawan. Imbawag dan manari si Solomon; kumadwa la yan impangibawag da. Diad ngaran na Katawan nilanaan da a manoley ed sikara tan nilanaan da met a mampari si Sadoc.

Saray Salmo 18:50

Say Dios so mangiiter na saray pananalo ed arin impasen to; ag mangoomay panangaro tod toon pinili to, a si David tan diad saray kabyangay boleg to, diad ando lan ando.

Saray Salmo 2:2

Saray arari ra milalaban ira, saray manoley da mankokomplut ira sumpad Katawan tan say pinili ton ari.

Ezekiel 34:23

Itdan ko ray sakey ya arin singa si aripen kon David tan sikatoy saksakey a mampastol ed sikara, tan asikasoen to ra.

Saray Bilang 25:13

Sikato tan saray kabyangay boleg to et mansiansia ran pari, lapud ag to inabuloyan so siopaman a manamsam na kipapasen ko tan ginawa toy pakapirdonaan na kasalanan na saray totoo.”

Saray Hebreo 2:17

Kanyan kinaukolan a magmaliw a singa saray agagi to diad amin a pamaakaran. Diad ontan nagmaliw a maabagey tan matoor a Pangulon Pari ra diad panaglingkur tod Dios, pian napaandi ray kasalanan na saray katoowan.

1 Samuel 10:10

Nen akasabid Gabaa si Saul tan samay aripen to, sakey ya olup na propita so angabet ed kinen Saul. Biglan linmoob ed sikatoy ispiritu na Dios, tan akikasakey ed gagawaen da.

1 Samuel 10:9

Nen si Saul et tinaynan toy Samuel, say Dios initdan toy Saul na balon inkatoo. Amin ya imbagad sikato nen Samuel agawa ed saman ya agew.

1 Samuel 12:3

Nia ak natan ya akatalindeg ed arap yo. No walay ginawak a makapoy, akusa yo ak natan ed arap na Katawan tan diad arap na pinili ton ari. Walay inalak a bakan kayaryan na arum o asnon kayaryan na arum? Sinaol o pinairap koy siopaman? Angawat ak na pasoksok ed siopaman, kanyan nambulag-bulagan ak? No walay ginawak ed saraya, ipawil koy inalak.”

1 Samuel 16:13

Inala nen Samuel so larak na oliba tan nilanaan toy David diad arap da ray agagi to. Linmoob a tampol ed kinen David so ispiritu na Katawan tan walad sikato manlapud saman ya agew. Insan amawil lad Rama si Samuel.

1 Samuel 2:36

Siopaman ed saray kabyangay pamilyam so mansiansian mabilay et nakaukolan ya onlan mikerew ed sayan pari na kuarta tan say nakan, tan onkerew na abuloy ya ontulong ed saray papari, pian nawalaan na pambilay.’”

1 Samuel 25:28

Pirdona mo ak pa, no wala bilang so maoges a ginawak. Say Katawan gawaen to kan ari, tan anggan saray kabyangay boleg mo, ta milalaban kad saray bakal na Katawan; ag ka manggaway kaogsan legay pambilay mo.

1 Samuel 3:1

Diad saraman ya agew nen si ogaw a Samuel et manlilingkur ed Katawan diad silong na panangiwanwan nen Eli, mataltalag a narengel so bosis na Katawan, tan pigpigaray nagagawan payawar to.

1 Samuel 7:9

Angalay Samuel na onsususo nin kordiro tan pinoolan ton intiro ya imbagat ed Katawan. Insan akikasi a tulongan na Katawan so Israel, et inebatan na Katawan so pikakasi to.

1 Samuel 8:3

Balet ag da inalig so ama ra; kayamanan labat so pilalek dan nagamuran, kanyan nanaala ray pasoksok tan pinipekewet day katunongan.

1 Samuel 9:12

“On, wadya,” ebat da ra may bibii. “Ganatan yo, pian naabot yo ni, ta akaonay daiset nen say sikayo. Kasabi yod baley, narumog yod man. Sinmabi natan ed baley, ta saray totoo et onla ran mangibagat ed altar a walad toktok na pokdul. Ag ni mangan iray totoon naimbitaan ya anggad isabi to, ta nepeg to nin bindisionan iray bagat. Laki la natan, et narumog yon tampol, kasakbayan ya onlan mangan ed pokdul.”